Ben哥米線

营业中

休息中

食勻鴻圖道！每日重複又重複嘅生活，緊係要靠食好啲嚟調劑一下😊常常經過78號1樓，原來係食米線車仔麵嘅，有好多配料選擇，百吃不厭。我叫左碗自家特色湯底米線，喺沙嗲豬骨都做湯，味道濃郁，非一般淡茂茂嘅清湯。加左沙嗲醬調味，辣辣地份外開胃。今次配料：豬紅、魚皮鮫、生菜，米線底。由於眼殘嘅關係，原來可以免費轉五穀米線，下次要試吓至得！另外，呢到嘅雞翼都幾有特色，有5款自家製口味：柚子、瑞士汁、蜜糖黑椒、麻辣味。雞翼控有福了，如果每個口味都想試，可以叫五式雞翼，一次過試晒佢！我就叫左蜜糖黑椒雞翼，用黑椒焗製，完成後再淋上蜜糖，甜甜地帶啲香脆口感。即叫即製，所以要預留10分鐘左右嘅時間呀。食辣野緊係要飲杯凍野中和下，凍檸檬蜜由檸蜜加菜蜜組成，清甜滋潤，啱晒秋天飲。