影片
更多
2010-01-04
54 浏览
家姐畢業, 難得有機會入科學園, 即本睇下呢間餐廳係咪真係食友所講咁劣評。(先此聲明, 本人跟high live deli/ 阿so絕無任何利益關係, 我亦都係第一次黎科學園) 為免假日人多, 所以我地一早book o左位, 12:30pm, 7個大人, 1個小朋友去到科學院, 12:20都未夠, 同收銀處個位哥哥講多聲, 佢話食buffet去左手面個間餐廳。去到見到真係小貓三四隻, 唔通真係如食友所言, 難食到咁!? 有一個senior staff帶我地去窗邊位坐底, 俾o左幾杯水我地, 我地就開始出去拎o野食la 我地由頭行到落尾, 驟眼所見, 好多盆都係裝滿食物, 而且下面仲有個爐一路整熱緊, 每款熱食都係噴緊煙, 並無食友所講要配給o既情況, 又睇下食物質揀如何首先試o左三文魚, 質素當然唔及高級酒店, 但係呢個價錢, 都總算唔錯la, 有魚味, 無雪味, 同埋大大一盆任你夾, 我食o左4 round!!! 札肉, 又係同三文魚一樣, 大大一盆, 擺得好靚, 有肉味, 而且仲好大片 串燒: 一大盆, 分開牛同埋豬, 中間仲有一盆沙爹醬任你點, 不過略嫌有D硬龍蝦湯: 呢個收埋
去到科學院, 12:20都未夠, 同收銀處個位哥哥講多聲, 佢話食buffet去左手面個間餐廳。去到見到真係小貓三四隻, 唔通真係如食友所言, 難食到咁!? 有一個senior staff帶我地去窗邊位坐底, 俾o左幾杯水我地, 我地就開始出去拎o野食la
我地由頭行到落尾, 驟眼所見, 好多盆都係裝滿食物, 而且下面仲有個爐一路整熱緊, 每款熱食都係噴緊煙, 並無食友所講要配給o既情況, 又睇下食物質揀如何
首先試o左三文魚, 質素當然唔及高級酒店, 但係呢個價錢, 都總算唔錯la, 有魚味, 無雪味, 同埋大大一盆任你夾, 我食o左4 round!!!
札肉, 又係同三文魚一樣, 大大一盆, 擺得好靚, 有肉味, 而且仲好大片
串燒: 一大盆, 分開牛同埋豬, 中間仲有一盆沙爹醬任你點, 不過略嫌有D硬
龍蝦湯: 呢個收埋響一個好大o既鐵桶入面, "畢" o既時候熱辣辣, 雖然係無材料, 但係又幾好飲wor, 我地每人都飲o左兩碗, 值得推介
沙律: 有菜, 有粟米, 有菠蘿 (應該係罐頭貨色, 因為好甜), 有蟹子沙律, 仲有D唔記得o左, 蟹子沙律好凍, 加上天氣又凍, 所以我食o左一次就無再添加la
薯蓉: 哈哈, 初初以為係南瓜蓉, 食落原來係薯蓉, 好surprise, 味道好好, 仲係熱辣辣
咖哩雞: 雞無咩雞咩, 可能係雪藏貨色, 咖哩亦都唔辣, 不過屋企人話OK, 加埋炒飯, 可以自製咖哩雞飯
焗芝士吞拿魚白汁長通粉: 嘩, 估唔到加埋芝士去焗咁有heart, 唔食都對唔住自己, 芝士應該係用o左mozzarella 芝士, 因為夾個陣, 有條絲可以拉出黎, 為o左食多幾款食物, 只係食o左一次
食完個長通粉之後其實已經飽飽地, 不過仲有好多食物未試, 因為要試甜品
秋刀魚, 牛舌, 雜菜, 法包, 炒飯......etc
甜品包括: 曲奇餅: 好鬆脆, 係唧花曲奇, 上面有少少果占, 唔錯呀, 小朋友食到唔停, 我地每人都添加o左幾次
綠茶蛋糕: 好膩...好似成口綠茶粉咁, 不過真係好勁綠茶味, 屋企人覺得好味, 我就麻麻la
Tiramisu: 驚喜之作, 好耐無食過咁濃酒味o既Tiramisu, 出面餅店都唔會落咁多酒, 哈, 不過有屋企人話太濃酒味, 食唔到, 我就覺得好好食la 細細一件, 可以再添食
酥皮果占!? 呢個無試過, 不過有屋企人話好食, 但係睇落賣相唔多吸引
雜果tart: 呢款都無試, 因為實在係太飽, 同埋睇落好多cream... 好膩
水果方面有火龍果, 蜜瓜, 西瓜, 我剩係試o左蜜瓜, 因為我不嬲都唔好水果 但係都幾甜呀, 係硬o左D
Services方面: 每次我地食完之後, D staff見到我地離開就會主動埋黎同我地收碟, 真係快到無人有, 又會主動加水, 刀叉匙絕對唔駛自取, 呢D services雖然係好基本要有, 但係真係值得一讚
環境方面: 實在係好大, 我諗其實係分開幾間餐廳, buffet個邊有間開o左一個位, 出面仲有好似條河咁o既o野, 環境唔錯, 週圍又有聖誕裝飾, 好乾淨, 間中會見到有人去買食物, 廚房個師傅會即刻整出黎俾客人, 真係好夠鑊氣o架, 下下都見到好大火, 餐廳隔離仲有D食物ge相, 好似有pizza食, 下次有機會入黎, 一定要試o下
最後仲有每人一杯飲品送, 咁o既價錢, 真係算唔錯la~ 唔明點解有咁多劣評, 定還是大家都去錯o左其他餐廳呀!? 響商場消費滿$100 仲可以免費泊車 4小時, 食飽飽之後, 我地繼續展開我地一日o既行程la~
(溫馨提示: 記住由正門入fresh dining concept, 轉左直入就會去到high live deli)
张贴
