博多拉麵別天神 (已結業)

原來呢間拉麵連北角都有分店，阿仔一見到已經話要去食，北角分店冇銅鑼灣咁多人，唔使排隊可以食到，一於滿足佢，同其他人分店一樣點餐首先要去自助機，其實成間鋪頭都只得豬骨豚肉拉麵，同埋蝦拉麵兩款選擇，所以一如以往，我同仔仔每人食一款。豬骨拉麵湯底濃郁,感覺上好似北角分店豬骨湯底冇咁肥膩, 見到湯底都好清澈，無乜油，材料充足,我最鍾意木耳同拉麵一齊食，餐枱上仲有芝麻同蒜茸等可自由調味，估唔到阿仔原來好鐘意食芝麻。蝦拉麵有好濃郁嘅鹹蝦味，非常多嘅粟米，仔仔最愛，加上糖心蛋佢每次都可以差不多食晒一碗。漏左講呢度d小食都好味架、小龍蝦沙律配紫菜，仲有鮫子都做得好出色。差不多走的時候，店員送上2張卡套，原來而家每食一碗就有得送，防盗咭套實在太有用了。另外店員比張紙我話可以寫少少野貼上牆上，小朋友寫呢4個字可能覺得無感覺，但我覺得今時今日要出曬面表態係黃店，已經唔再係一件容易既事，仲要係北角區，所以我決定要寫呢篇食評比大家狠狠懲罰佢。加油！