新泰東南亞餐廳 (已結業)

傍晚同朋友游完水超肚餓，決定搵個地方抖反下同埋放肆咁食🤤一搭lift上到嚟發現呢度無論燈光定係飾物佈置都好有東南亞feel店員服務態度都好好，好好笑容，一坐低未order食物已經好快俾咗杯水同menu我哋先~最後我哋order左泰醬焗青口，喇沙蝦米線同埋香芒軟殼蟹米紙卷。嘢飲就叫咗杯龍眼冰首先嚟咗香芒軟殼蟹米紙卷，米紙煙煙銀銀厚薄適中，拍得住我之前喺越南食嘅！同埋個配搭好夾好豐富，入口首先係脆卜卜嘅軟殼蟹同爽口青瓜，慢慢食到少少芒果甜味，最後有啲軟殼蟹既油脂味配埋酸酸甜甜醬汁食真係好正！喇沙蝦米線係廚師推介，的確蝦係好鮮甜湯底唔會太鹹，唔會蓋過左奶味，配埋啲浸林左嘅炸洋蔥，好香，我同朋友好快連湯底都清埋haha不過如果可以再辣啲就好啦~泰醬焗青口好熨口，果然係即叫即做！一上到黎見到啲醬汁同埋辣椒爆多好興奮，青口個size同啲醬汁成咗正比，一樣咁大隻！呢個好夠辣，仲要一粒沙都冇，好抵讚龍眼冰好清甜，仲要有龍眼肉食！