許留山 (已結業)

以前細個好鍾意黎許留山，而家都好少過嚟食糖水，本身諗住去麥當勞買杯雪糕新地，點知二十四小時嗰間就收咗工，所以就去咗許留山諗住食下糖水。店員俾個餐牌我哋，原來依家啲餐牌唔同晒了，竟然有甜品套餐，所謂嘅甜品套餐再配以小食，大約一個套餐＄100樓下。我哋就叫左一個楊枝甘露沙冰布甸底再加兩個免費小食就係XO醬煎蘿蔔糕同埋芒果凍餅另外再加一個咖喱小食。XO醬蘿蔔糕都係我至愛，佢咁多年都無變過，都一樣咁好食！咖喱小食我覺得就比較辣咗啲，因為聽到後面嗰台都係咁講，所以呢一樣野我諗要改善一下。