影片
更多
2017-09-23
459 浏览
當親戚話訂呢間餐廳，我上openrice 睇食評，發現幾高分喔，又多選擇又抵食。。好期待！當日訂咗位7點4位。我哋遲咗小小入座，因爲知道入座就開始計時，所以要等齊人先。等咗陣，算了，肚子餓了。入去先啦！入去坐底咗發現，依？都唔係咁多人，早知唔洗咁擔心啦。Anyways，即刻叫野食先！今次我冇俾意見。等Mr. C幫我叫！等陣！有隻烏蠅攤咗響個碟隔離。死咗？反咗肚但啲腳仲響度撩緊。即刻叫人換過set 野去。個waiter 同我哋講兩個鐘任食$218加一。有張特別餐牌$38/位有特級牛頸肉，帶子，和牛等等。但親戚話唔需要所以冇加。坐低嗰時已經上枱既前菜：全部都正常。我哋一開波就叫牛，羊，雞翼等等。另外叫咗好似好正既蛋拌生牛肉。上枱個時個蛋都穿咗，不過唔緊要。好啦！啓動！等等！！！咩黎架？又有啲野？好驚。又有隻烏蠅痴住咗響啲生牛肉度。其實平時我都冇所為。如果有頭髮我會唔開心不過煮過我都唔會大叫。有小飛飛飛咗入啲湯樹我都唔會make a big fuss。但係講真，生牛肉，烏蠅。好似真係唔制得過。Mr C 叫人黎攞走呢碟野。我問。咁叫唔叫碟新架？Mr C 同親戚都話，“你點知佢係唔係就咁挑走隻野
當日訂咗位7點4位。我哋遲咗小小入座，因爲知道入座就開始計時，所以要等齊人先。等咗陣，算了，肚子餓了。入去先啦！
入去坐底咗發現，依？都唔係咁多人，早知唔洗咁擔心啦。
Anyways，即刻叫野食先！今次我冇俾意見。等Mr. C幫我叫！等陣！有隻烏蠅攤咗響個碟隔離。死咗？反咗肚但啲腳仲響度撩緊。即刻叫人換過set 野去。
個waiter 同我哋講兩個鐘任食$218加一。有張特別餐牌$38/位有特級牛頸肉，帶子，和牛等等。但親戚話唔需要所以冇加。
坐低嗰時已經上枱既前菜：
全部都正常。我哋一開波就叫牛，羊，雞翼等等。另外叫咗好似好正既蛋拌生牛肉。
上枱個時個蛋都穿咗，不過唔緊要。好啦！啓動！等等！！！咩黎架？又有啲野？好驚。又有隻烏蠅痴住咗響啲生牛肉度。其實平時我都冇所為。如果有頭髮我會唔開心不過煮過我都唔會大叫。有小飛飛飛咗入啲湯樹我都唔會make a big fuss。但係講真，生牛肉，烏蠅。好似真係唔制得過。Mr C 叫人黎攞走呢碟野。我問。咁叫唔叫碟新架？Mr C 同親戚都話，“你點知佢係唔係就咁挑走隻野啊？”咁又係。。。之後好快其他肉就陸續上。但個賣相就真係。。。見仁見智。。。啊姐黎到放底碟肉就走開。我連個碟係牛定羊都唔知。我唔食羊架嘛。。。
是但啦。照燒，燒完先算。但係啲肉一"pat pat"，真係有點兒求其。Mr. C燒完俾我，話係牛。哇。羊騷味好勁。我頂唔住。不過禮貌上，吞咗。
啲牛，就，普普通通。唯一係啲牛仔骨同雞翼正常！（但雞翼有毛）
仲有個辣五花腩肉。切到一舊厚一舊薄咁。有幾舊淨皮，但因爲一“pat pat ”既關係，睇唔出咩係咩。。。
海鮮方面，我哋叫咗蝦同埋蛤。蝦唔錯，啲蛤都好新鮮。睇住佢哋一隻一隻咁開。
另外我哋都叫咗啲熟食。
蛋包蝦 - 原來係鹹蛋黃蝦。味道ok，但蝦好細隻，鹹蛋黃漿好薄。
韓國粉絲 - 正常。好味過啲肉。。。
海鮮煎餅 - 其實係唔係海鮮我唔知。因爲淨食到麵粉。
海鮮豆腐湯 - 可以。豆腐分量夠。味道唔錯。
石頭飯 - 我冇食到。因爲見到淨係飯加菜好似冇肉冇醬咁款。唔想嘥quota。
last order 我哋都完全冇意欲加任何野食。佢哋都俾埋張單我哋俾錢先。食完嗰兩個鐘，佢地就好快催我哋走，話要收枱。我哋走架啦，只不過友人去咗趟洗手間。。。出到門外，有人等嗎？冇。裏面滿坐嗎？唔係。算啦，我錯。應該兩小時即刻單起走人。
我真係唔明白點解呢間可以有咁多好評。真的摸不著頭腦！？！？定係因爲我哋冇加$38個menu？？？$38個分別真的那麼嚴重嗎？
No next time.
张贴
