肚餓了串燒烤焗專門店 (已結業)

見openrice有幾百個like，諗住冇伏，點知食到一肚氣，最後寧願走去食個麥當勞餐都好食過啲所謂串燒😡落完order之後好快就上菜，都估到心知不妙。。。汁燒bb露筍燒汁夠味但唔夠熱，食落露筍冇渣，但似洽熟之後燒下加汁川式燒韭菜好韌。。。冇乜辣味，都係似洽完燒一下鹽燒厚切牛舌唯一一樣好食，厚身，外面少脆內𥚃juicy有肉香，夠淋唔韌，有鹽香鹽燒駝鳥肉冇乜味，肉好嚡，一個字伏蒜蓉燒茄子好多蒜蓉，茄子淋就淋，但蒜蓉同啲茄子個感覺好分離，一般芝士金黃醬燒虎蝦係有15cm, 啲肉好痴殼，金黃醬即係酸甜沙律醬，啲醬仲有少少凍。。。食唔到啲咩蝦味，剩係食到沙律醬味，好貴黃金薯條好多蛋黃汁但冇收乾，好似一pat係面咁，薯條個外皮好硬，一咬啲油咇晒出黎，好明顯啲薯條一早炸好凍晒，之後加蛋黃炒時冇用大火迫啲油出黎，我地一半都食唔晒頂唔順咁油港式啤酒麥啤味，冇特別，貴另外啲員工一啲笑容都冇，串燒已經難食都要俾加一，食完雖然唔飽，但好彩冇繼續叫，到時荷包傷心，肚又傷心。。真係千祈唔好食！