黃枝記粥麵店 (已結業)

啱啱今日放飯食晏晝r爆頭都諗唔到食咩，見呢間野近近地就幫襯下試下啦。近排想食得清淡啲，唔想咁肥膩所以就叫個最普通嘅皮蛋瘦肉粥。廚房速度都唔錯，好快就黎咗碗熱辣辣嘅生滾靚粥。粥賣相都唔錯，都有幾多皮蛋同瘦肉絲，而啲瘦肉絲都係偏淡色幾新鮮架。可惜食兩啖就黎料喇！原來我呢碗唔係皮蛋瘦肉粥。。而係一碗味精! 啲味精好似直達大腦神經，令到我成個道友咁渴望不斷咁再high啲。我feel到我個口停唔到，不斷想飲多啲味精。但當飲完成碗味精之後，換黎嘅只係一片空虛感同埋口渴。。係我離開咗間餐廳飲住第四杯水打呢篇食評嘅時候，我回想番覺得自己其實好興幸。。因為佢地只係收加一而冇收我飲咁多茶嘅茶錢。