更多
2016-11-30
1040 浏览
今日难得胖侣个 daddy 唔使赌马就同佢去行个大运先,佢提议去锦田一带游吓车河,印像中呢度都有好几间茶档,不过上次黎而又有坐低食野都恐防超过十年喇,今日好好回味吓先。意外揾到呢间旧式茶楼重竟然有水吧,即刻嗌杯冻奶茶先,不过就同普通茶仔争咁啲喇。呢副炉具 long time no see..虽然个人对鹌鹑蛋烧卖无特别喜好亦都完全唔会话要挂念,不过冇见咁耐嘅嘢点都要嗌返一笼嘅。虾饺皮极厚,内馅亦都唔系好够味,唯有点吓野啦。又系一样喺民间几乎失传嘅嘢,鱼翅饺,即刻谂起周星星嘅唔似猫唔似狗师奶淫得很,个饺黎讲呢就粉丝都唔系好揾到一条喇,都系猪肉饺一只咁啦。排骨腌得入味,肥多过瘦嘅比例亦都多数系旧式茶楼先会做,系就系邪恶啲,不过多肥真系滑好多㗎。糯米鸡汁多味浓,馅料方面除咗最常食到嘅肥猪肉,鸡翼,腊肠同冬菇之外,最过瘾系有块火腩喺入面。
张贴