影片
更多
2022-07-06
36 浏览
荔枝角既工度雖然冇觀塘果d咁多食肆，但都有唔少。今日就黎食之前喺旺角出名既台灣野，黑布小巷。餐廳就喺荔枝角站出黎過條馬路既億利工業中心，十分就腳。餐廳既位都唔算少，而我地都接近兩點先黎到，但都係岩岩好有人埋單先即刻有位坐，生意都幾好。Menu既選擇唔算好多，有吐司、鹵肉飯、芋圓、小食同飲品。之前都有講過，與其選擇眾多，不如選擇少d但整得夠精夠好食。我地揀左慢烤雞腿芝士蛋吐司、芋頭椰汁三色圓、台式香腸同甜不辣，再加杯冬瓜茶同桂花雪梨羅漢果茶。野食一陣就到齊慢烤雞腿芝士蛋吐司望落好正，搽勻醬汁既吐司唔算厚身，顯得d餡更加足料雞腿厚厚一塊，蛋既蛋白全熟，蛋黃半熟。加上好似岩漿咁既芝士，一大pat流出黎成份吐司餡料好豐富，雞腿肉質夠嫩，流質蛋黃加埋一樣都係流質但杰好多既芝士，成個配搭食落好滿足吐司上既時候切左一半而且包得好好，不過因為醬汁芝士多，難免會食到成手都係。鐘意Lam手指既人當然冇問題，而唔鐘意食完成手醬既人，餐廳都好貼心咁俾左有手套。台式香腸其實接近間間台灣野都有，但今日就係特別想叫黎食下，而且食完都覺得冇叫錯佢地既台腸唔大條，係短短既粗身既兩條。烤焗得岩岩好，面頭立立令，而且冇爆開
餐廳就喺荔枝角站出黎過條馬路既億利工業中心，十分就腳。餐廳既位都唔算少，而我地都接近兩點先黎到，但都係岩岩好有人埋單先即刻有位坐，生意都幾好。
Menu既選擇唔算好多，有吐司、鹵肉飯、芋圓、小食同飲品。之前都有講過，與其選擇眾多，不如選擇少d但整得夠精夠好食。
我地揀左慢烤雞腿芝士蛋吐司、芋頭椰汁三色圓、台式香腸同甜不辣，再加杯冬瓜茶同桂花雪梨羅漢果茶。
野食一陣就到齊
慢烤雞腿芝士蛋吐司望落好正，搽勻醬汁既吐司唔算厚身，顯得d餡更加足料
雞腿厚厚一塊，蛋既蛋白全熟，蛋黃半熟。加上好似岩漿咁既芝士，一大pat流出黎
成份吐司餡料好豐富，雞腿肉質夠嫩，流質蛋黃加埋一樣都係流質但杰好多既芝士，成個配搭食落好滿足
吐司上既時候切左一半而且包得好好，不過因為醬汁芝士多，難免會食到成手都係。鐘意Lam手指既人當然冇問題，而唔鐘意食完成手醬既人，餐廳都好貼心咁俾左有手套。
台式香腸其實接近間間台灣野都有，但今日就係特別想叫黎食下，而且食完都覺得冇叫錯
佢地既台腸唔大條，係短短既粗身既兩條。烤焗得岩岩好，面頭立立令，而且冇爆開哂
一咬落去，卜一聲，腸衣脆卜卜不特止，入面既肉汁即刻衝出黎。香腸有質感有咬口，咸甜惹味，做小食一流。
至於甜不辣，呢度既係比較薄身，不過勝在夠大塊同埋有好幾塊。甜不辣最重要既係有o趙口，就算薄身，都有果陣煙煙韌韌既口感。配上甜辣醬，又惹味又過到口癮。
做甜品既芋圓就比較特別。芋圓粒粒飽滿，而且三色圓都有味道，又夠煙韌。三色圓好食，但特別既係成碗糖水係冇其他常見例如仙草、珍珠果類既料，而係單憑個糖水本身既味道
糖水就好似煲溶哂既芋頭加椰汁西米露走西米咁，既香甜，又有少少芋頭蓉既質感。
最後係野飲，我地飲左桂花雪梨羅漢果茶先。羅漢果茶清潤，但味道唔係個個人鐘意。呢杯既羅漢果味雖然有，但加上雪梨既清甜同桂花既清香，就令到羅漢果既味冇咁濃烈，又清潤又好飲。冬瓜茶都唔錯，香甜適中，經典古早味。
除左上面講既野，佢地既鹵肉飯睇落同聞落都相當唔錯，下次要黎食一定會叫黎試下。
张贴
