大官廳 (已結業)

2017年奠定目標，就係對自己更加好！次次去大官廳，都係夜晚去食飯。最近佢去左食佢哋嘅weekend brunch, HKD 488一位任食點心中菜，我一見到即刻約埋好友去。唔使多講，蝦餃燒賣一定有得叫，不過估唔到佢哋既signature 片皮鴨🦆都可以任食。平時叫一碟到成二百幾蚊，只係得六件。今次兩個人八件，雖然個面無左金箔，但唔知點解，可能係晏晝嘅關係，我覺得比夜晚嗰轉更加好食，勁有肉汁，而且要讚下個薄餅皮，因為佢哋每一塊皮都會放張蒸籠紙透氣，好細心❤️。食完成餐，覺得自己好有口福！雖然要五百元，但真係完全值！到現時為止，大官廳都仲係my 飛弗，開咗一段時間，仲保持住水準，真係好抵讚。👍🏻👍🏻