橫綱

营业中

休息中

實不相暪，小學時候家住油麻地，讀書又係油麻地，上午校有時放學最開心就係屋企人帶我去飲飲食食。當年未有拉麵店潮流，但一想食日本野，一定非橫綱莫屬。由於住得相當近，通常都會揀啲少人啲嘅時候黎食。（係，橫綱係小妹我小學時候已經要排隊😂因爲由始至終都係得十幾個位🙈）中學都係油麻地，但開始越黎越多人排隊，亦越黎越難就時間，期間都有好多年無食。直到搬離果區，上大學，做野......有日平日放假，心血來潮好想食拉麵，又唔想過海，就決定黎橫綱回憶一下。最愛味玉，叫左碗味玉拉麵。係咪小時候嘅味道已經記唔清楚，不過一碗拉麵，最緊要夠熱，而橫綱絕對做得到。簡單嘅配料，配上熱騰騰又香濃嘅豬骨湯底。食到冒一身汗，驅走曬所有返工嘅悶氣。