影片
更多
2019-10-23
254 浏览
懶理你話服務態度差、價錢又貴 、開舖時間囂張，依然咁多人嚟食 ，連蔡瀾先生都要提字，就知呢家鋪頭唔野少。其實真係唔係話超好食，只不過可能有啲嘢比出邊特別少少 ，例如普通嘅西多士會加紅豆、加阿華田、加沙嗲牛肉，奶茶加紅豆等等。另外佢係絕對唔會有套餐叫既，全部都係單點，逐樣加錢。所以如果人多黎叫嘢食條數真係有排加。平時上晝嚟食早餐，我接受唔到晨早流流食炒米粉同西多，終於等到今日機會lunch 先黎，可以叫男朋友好想叫嘅嘢喇。佢嘅獨門雪菜肉絲炒米粉$65，仲提醒你要等15至30分鐘，配料有出面無加既餐肉，又唔會好油，獨門嘅雪菜肉絲好味。西多士呢⋯以前既我係絶對唔會食呢啲咁邪惡嘅野，而家人大左反而間唔中都想食下，當然要有人share啦。我就唔會試佢果啲特別版本，所有嘢都係原味最好嘅。係唔知有冇辦法將西多條邊都整到好似中間咁軟淋淋。口痕痕仲要加多塊炸豬扒小食，$25 係呢度嘅特色豬扒，佢係用脆漿炸嗰款豬扒，其實都幾熱氣😅我就最鍾意食熱氣野🤪最尾埋單係$65加$23 （西多士）+2杯凍野$21x2再加豬扒$25我哋仲發現原來佢逢親假日係要自己走出去落單㗎，啲夥計係唔會走埋嚟同你落單！
其實真係唔係話超好食，只不過可能有啲嘢比出邊特別少少 ，例如普通嘅西多士會加紅豆、加阿華田、加沙嗲牛肉，奶茶加紅豆等等。另外佢係絕對唔會有套餐叫既，全部都係單點，逐樣加錢。所以如果人多黎叫嘢食條數真係有排加。
平時上晝嚟食早餐，我接受唔到晨早流流食炒米粉同西多，終於等到今日機會lunch 先黎，可以叫男朋友好想叫嘅嘢喇。
佢嘅獨門雪菜肉絲炒米粉$65，仲提醒你要等15至30分鐘，配料有出面無加既餐肉，又唔會好油，獨門嘅雪菜肉絲好味。
西多士呢⋯以前既我係絶對唔會食呢啲咁邪惡嘅野，而家人大左反而間唔中都想食下，當然要有人share啦。我就唔會試佢果啲特別版本，所有嘢都係原味最好嘅。係唔知有冇辦法將西多條邊都整到好似中間咁軟淋淋。
口痕痕仲要加多塊炸豬扒小食，$25 係呢度嘅特色豬扒，佢係用脆漿炸嗰款豬扒，其實都幾熱氣😅我就最鍾意食熱氣野🤪
最尾埋單係$65加$23 （西多士）+2杯凍野$21x2再加豬扒$25
我哋仲發現原來佢逢親假日係要自己走出去落單㗎，啲夥計係唔會走埋嚟同你落單！
雪菜肉絲炒米粉
$65
85 浏览
1 赞好
0 留言
西多
$23
10 浏览
0 赞好
0 留言
张贴
