山窿謝記魚蛋 (已結業)

由我小學時期已經開始食謝記，所以時至今日（20多年），無可否認有點特權（等待時間較短）。有次其中一女主管帶我去看廚房，真係做魚蛋粉也有他們的工藝！講返食物。個人至愛係魚餃河，炸魚片，同炸魚皮！炸魚皮一般在十二點三到半出爐。大家一般喜歡浸湯或淨食，但有無試過點牛腩汁（應要另收費），超正！！！魚扎亦是店內名食，但如果魚唔太靚就唔做！真係有啲佩服，有咁高的QC！