樂天大喜屋 (已結業)

同朋友隔一排就會約食自助餐，今次揀咗食放題，於是諗起之前去過嘅樂天大喜屋食物質素好，就帶朋友去食。一坐低就同厚厚嘅點餐紙苦戰，刺身、壽司實在有太多選擇，淨係要睇晒填晒都起碼10分鐘！朋友係超級蝦狂，叫咗勁多蝦！加上刺身多款又夠新鮮，食完呢盤刺身都飽飽地。我個人比較喜歡火炙壽司系列，細細件易入口，可以試多幾款。連海膽手卷都係超迷你型，好cute!熟食亦非常多選擇，最出色嘅係鹽燒雞翼！同居酒屋食串燒嘅味道一樣！不禁要encore多碟！女士們最愛嘅花膠我都食咗2碗！最驚喜嘅竟然係有熱飲櫃！啱晒我呢d虛寒嘅lady!食飽飽以Movenpick雪糕作結，簡直完美！