嚐仙 (已結業)

年近歲晚，同兩個朋友去銅鑼灣辦年貨， 途經波斯富街，行到攰攰哋，見到有間甜品店新開張，走入去坐下休息下。呢度係先係門口點嘢食付款，再去搵位坐， 因為我哋三個人，店員指示我哋坐喺最側邊嘅兩張枱， 中間有塊透明板隔住。 我哋依然可以傾到偈。叫咗三碗甜品，朋友叫咗薑湯小丸子一號＆芋泥牛奶冰，我就叫咗五式牛奶冰加小丸子朋友話薑湯小丸子一號（＄47）好正，熱辣辣薑味濃。我都試咗一啖薑湯，真係好辣好正。芋泥牛奶冰(＄43)嘅造型好靚好大，影相好似好大堆頭，但中間全部都係冰。最好食都係我揀嗰個 五式牛奶冰（＄59）再加我最鍾意嘅小丸子，加4蚊，抵！ 芋泥球＆地瓜球好綿，又唔會死甜，甜度剛剛好，極力推介食完真係好飽，晚餐都唔洗食走嗰陣時候買咗一杯芋泥鮮奶比媽咪飲，媽咪話好正，好香芋頭味，我見係用明治鮮奶，都幾落本。忘記影相添，下次再去買嚟試下先。