老鍋台式火鍋 (京都廣場) (已結業)

香港人最鍾意打邊爐， 咁今日我就同朋友做我哋平時最鍾意嘅活動就係打邊爐， 但其實因為我哋食左少少嘢，所以今次打邊爐係當食宵夜咁樣。 一入到店舖己經覺得香噴噴，咁我哋就叫咗以下:酸菜白肉鍋： 呢個酸菜白肉鍋，我覺得都幾多配料，有透明嘅薯粉，同埋都落咗幾多菜，另外個辣湯都幾出色，酸酸辣辣咁樣最緊要就係佢有我最鍾意食嘅白豬肉，所以佢呢一個鍋都落咗好多配料，大家可以睇下我嗰幅相。涮鍋小羊肉片： 打邊爐一定要有肉，所以我哋做order咗個羊肉片，我覺得個羊都幾好，佢啲羊肉都幾有騷味又快熟，點埋佢嗰啲配醬去食，就很好食。我自己就鍾意加沙茶醬去點呢一個羊肉。鮮蝦雲吞： 呢個鮮蝦雲吞得大大粒幾好食，另外佢個鮮蝦都幾新鮮，豬肉亦都幾有鲜肉味，總之蝦同豬肉嘅分配比例我覺得恰到好處， 鍾意食雲吞嘅朋友一定要order。老鍋台灣麵: 呢個台灣麵我自己覺得有啲似烏龍麵 ，麵質有幾彈牙 ，食落去都幾滑，質感唔錯食完呢個面我自己覺得都飽飽哋啦。最後呢間餐廳都做緊一啲promotion，有興趣鍾意食火鍋嘅朋友，可以嚟試下。