天龍軒

营业中

休息中

食物⭐️⭐️⭐️⭐️⭐️：細個番兼職因工作關係食過一次天龍軒叉燒，久久不能平復。而家終於都係正正經經坐低食一次，好可惜西班牙黑毛豬已經冇貨左一段時間，只能食普通嗰隻桂花蜜汁叉燒，但係都相當出色，桂花蜜汁香味，燒到叉燒嘅肉質好林，口感味道都係相當好。另一道令人難忘嘅酒釀蛋白蟹鉗，蟹肉鮮甜，蛋白吸收左蟹肉同花雕嘅味道，暫時未係香港其他餐廳食到。其他嘢食都唔錯(唔至於每樣都impressive), 可惜兩個人嚟食食唔到多，希望下次有機會再帶屋企人嚟食。價錢⭐️⭐️⭐️：$1500 左右，兩個人食到好飽，號稱全球最高102樓中菜，淨係望住個景都值晒。服務⭐️⭐️⭐️⭐️⭐️：麗思卡爾頓出品，禮貌周到，食得開心又放心環境⭐️⭐️⭐️⭐️⭐️：全球最高中菜廳，180度海景望晒全香港咁滯，樓底高，裝修靚，擁有riz carlton 102樓最出名嘅打卡走廊（同埋對面tosca di angelo) ，令香港嘅其他中菜廳都好難超越。Overall⭐️⭐️⭐️⭐️⭐️: 人一世物一世點都要食一次天龍軒，esp叉燒，值得。會唔會再訪就要就住個荷包。