影片
更多
2016-08-05
1702 浏览
2016年6月26日,本人既丈夫帶住兩個小朋友同一個老人家去名苑飲茶，臨走抱住一個21個月大既BB,唔小心踢到櫈腳令到張櫈反後撞到一個酒樓侍應，已經即時同佢道歉，o個個侍應無出聲走開咗,然後再折反,竟然手揸一盤碗碟茶壺撞向我既BB, BB因為被撞親於是爆喊，呢個侍應一句道歉都無就走開，好明顯唔係無心之失，當我丈夫要求其他員工講出撞親BB既侍應名, D人就推三推四, 直到問佢地經理先問到個名, 因為BB背部紅咗而且呢個侍應一D歉意都無,最後我丈夫要報警備案同帶BB去醫院檢查, 幸好最後BB沒事。 2016年6月27日,本人打電話同佢地總公司既謝先生投訴佢地既員工襲擊我既BB,佢地竟然亳不知情,之後仲要了解件事,報晒警都唔滙報總公司,之後就話呢個侍應已經被炒,襲擊事件係佢個人行為,真係令我更加氣慣,你地一間名苑集團,有好幾間酒樓,而且消費唔平,你地僱用既員工蓄意襲擊人客,竟然講到同你地公司毫無關係,只係是是但但講句了解下件事,炒咗個侍應就再無回覆本人。如果大家有選擇的話,可以去其他酒樓幫襯。食物不是特別好食,員工大部分時間都係睇你唔到個種,價錢唔係平,只是本人又有老人家又有小朋友,費事搭
2016年6月27日,本人打電話同佢地總公司既謝先生投訴佢地既員工襲擊我既BB,佢地竟然亳不知情,之後仲要了解件事,報晒警都唔滙報總公司,之後就話呢個侍應已經被炒,襲擊事件係佢個人行為,真係令我更加氣慣,你地一間名苑集團,有好幾間酒樓,而且消費唔平,你地僱用既員工蓄意襲擊人客,竟然講到同你地公司毫無關係,只係是是但但講句了解下件事,炒咗個侍應就再無回覆本人。
如果大家有選擇的話,可以去其他酒樓幫襯。食物不是特別好食,員工大部分時間都係睇你唔到個種,價錢唔係平,只是本人又有老人家又有小朋友,費事搭車去飲茶先幫襯。
张贴