格局就普通餐廳一間，但係座位都算闊落，係中環黎講真係好好架啦，寸金尺土呀。
我同朋友一人叫左一個飯，我食鵝皇飯，佢就鵝脾飯，再加左一個鵝腸。
鵝皇飯：size 適中，我一個男仔食都夠飽既，鵝肉幼嫩，上盛貨色，鹵水汁香濃，鵝雜爽口，無雪味，正，可惜今日無鵝肝，無得試埋😭最後要讚既係佢既鹹酸菜，加埋d飯一齊食，好惹味，有錦上添花既感覺
而鵝腸又係出色既，因為鵝腸最緊要係夠肥，佢完全做到，非常香口，無得彈呀！如果唔係怕膽固醇過高真係想叫多碟。
我朋友既鵝脾飯我就無試，不過佢都話好好食。
埋單都係100蚊位左右，我諗我搵到我既中環新飯堂啦！
