Wing It! (已結業)

作為雞翼愛好者，成日食野都要叫番兩隻雞翼做小食。咁岩經過銅鑼灣見到呢間以雞翼做主題既餐廳，即刻兩眼發光，緊係入去食啦。餐廳唔大，但好岩同朋友下晝黎傾下計。餐牌既雞翼可選不同既調味，同埋可選炸定唔炸，另外會再配醬汁。但選擇實在太多了，我就唯有簡左經典既garlic同友人鐘意既Korea style。雞翼黎講，大部分都唔會失手。呢間餐廳既雞翼都唔例外，我鐘意Korea style，小小spicy好入味。另外建議選擇炸既雞翼，會特別香口！跟餐可以簡兩款雞翼有八隻，小食同埋仲有野飲，都係100蚊多小小，兩個人叫呢個就岩岩好。