我愛慢煮 (孖沙街) (已結業)

喺中環放工最好嘅晚餐就係去上環呢啲咁有特色嘅餐廳， 呢間我愛慢煮特別近地鐵站只係行兩分鐘就到所以就嚟試下入到嚟叫咗一個法式豬鞍架同埋一個美式煙烤豬仔骨， 跟住配咗一個炸蕃薯條， 甜品就有一個慢煮紅酒梨配意大利雪糕， 飲品就叫咗薑啤特飲同埋一支比利時手工啤酒法式豬鞍架嘅肉質非常好亦都煎得好好， 肉汁鎖住曬成個豬鞍架入面， 塊肉唔係太肥又唔係太瘦非常適中美式煙烤豬仔骨嘅bbq風味亦都非常濃厚， bbq醬同豬仔骨嘅味道非常夾， 亦都煮得啱啱好，唔難切開炸蕃薯條就配上咗一個沙律醬， 好成功咁樣將炸蕃薯條嘅味道吊咗出嚟至於飲品方面手工啤酒非常有特色， 薑啤特飲亦都幾好飲