美利茶餐廳 (已結業)

美利其實算係我地既飯堂, 近近地快靚正既茶餐廳第一時間都會諗起佢😂😂😂 算係比較舊式細細間既茶餐廳, 位子不多, 經常都會坐滿人, 要留意返星期日會放假。唔好睇佢舖仔細細, 食物既水準都有返咁上下架, 除咗平時諗得到既碟頭飯, 每日都有幾個選擇既午餐供應跟例湯同飲品。而我差唔多每次都會叫叉燒煎蛋飯, 看似簡單, 但而家既茶餐廳都唔係間間有, 重點係燶邊流心蛋⭐⭐⭐仲要係兩隻😋 豉油加色唔會過咸撈埋蛋汁同飯一齊食啱啱好, 雖然叉燒係一般貨色, 但所有野加埋食哂成碟都唔過份啦～間唔中懷舊一下都唔錯👍