大瀛喜日本料理 (已結業)

呢間大瀛喜的前身是「吉壽」，等佢裝修咗幾個月，急不及待 book 定聖誕去試下。點知今日突然有 friend約食 lunch。一入到去嚇咗一跳，以為去咗太興或者翠華，連敏華啲裝修都靚過佢，唔怪之得冇加價。個menu 同吉壽九成似，冇乜驚喜，自助食物區有啲窄，冇咗我最鍾意食嘅炒雜菜，多番我鍾意嘅椰青水。如果你有心機，不防 order 個麻辣小龍蝦試吓，非常精緻，搣成分鐘至食到半吋肉，的確係一種體驗。全場最大驚喜係牛奶公司焦糖燉蛋味甜筒，我立即搵下聖誕要轉去邊個場。