百利來美食 (已搬遷) 新店位置

以前去親尖沙咀，一口痕就走去百利商場後巷幫襯百利來嘅炸小食同果汁，奈何早幾個月去已經結業。好消息係知道佢重開嘅消息，雖然去左元朗確實有點遠，但都無阻我再次幫襯嘅意欲。週六夜晚8點幾，門口有一條隊，好有秩序咁等位，呢個情景同以前尖沙咀店好唔同！大概等左10分鐘左右有位了，首先一人一支果汁！青瓜檸檬，雪梨荔枝（各$16）：好新鮮，且配炸物一流！炸燒賣（$19/8粒）炸墨魚丸（$17/5粒）炸到漲卜卜，好香口，好邪惡！炸燒賣最出色！炸三寶（$21）包住嘅魚肉好足料，比較底下我鍾意炸燒賣同炸墨魚丸多啲！足料花膠雞湯翅（$25）好濃厚嘅雞湯底，加上花膠、雞肉同素翅，比平時食開嘅碗仔翅豪華，果然係足料！可惜搬到咁遠，如果唔係我一定會成日黎！