影片
以上资料只供参考，请与餐厅确认详情
以前去亲尖沙咀，一口痕就走去百利商场后巷帮衬百利来嘅炸小食同果汁，奈何早几个月去已经结业。好消息系知道佢重开嘅消息，虽然去左元朗确实有点远，但都无阻我再次帮衬嘅意欲。周六夜晚8点几，门口有一条队，好有秩序咁等位，呢个情景同以前尖沙咀店好唔同！大概等左10分钟左右有位了，首先一人一支果汁！青瓜柠檬，雪梨荔枝（各$16）：好新鲜，且配炸物一流！炸烧卖（$19/8粒）炸墨鱼丸（$17/5粒）炸到涨卜卜，好香口，好邪恶！炸烧卖最出色！炸三宝（$21）包住嘅鱼肉好足料，比较底下我钟意炸烧卖同炸墨鱼丸多啲！足料花胶鸡汤翅（$25）好浓厚嘅鸡汤底，加上花胶、鸡肉同素翅，比平时食开嘅碗仔翅豪华，果然系足料！可惜搬到咁远，如果唔系我一定会成日黎！
继续阅读
必食的照牌花胶鸡汤翅，如不要醋同胡椒粉要落单时讲，唔系既话会落左落去先，炸物也不错，炸鱼旦普通了些，其他丸类炸物会附上酱料，那酱料是不错的，而冷面不够冻，比预其差，但还可接受，最后炸豆腐好食，上面有蒜蓉，一起食是不错的，整体系经典美食!
继续阅读
由尖沙咀追到元朗就是为了回味那香港的小食文化！一切照旧order ! 麻辣鸡翼青瓜 白色鸡翼以为冇味，点知咬肉有口感而且有酒味，麻辣油仲有菜葡！吉列面的煎酿三宝外皮吉列不油不腻，鱼肉新鲜弹牙冇鯹味！咬落青椒爽脆和矮瓜都好新鲜。炸烧卖手快有手慢冇的烧卖，干身够脆，烧卖鱼肉弹牙！仲有秘制沙拉酱或辣汁选择炸鱼肉云吞食完煎酿三宝唔够喉加多个云吞，皮薄超脆鱼肉弹！加豉油或泰汁一样咁好味！可遇不可求的鸡汤翅简直是人间极品，食唔食到完全看彩数！条条手撕鸡鸡丝、冬菇丝仲有假翅丝！真心一碗不够喉！外卖一瓶秘制麻辣油内鱼干仔有菜葡！好多料！回家捞面极品！十一月后又关门，我也要为未来而凖备！入多几瓶！
继续阅读
不得了！蒲开尖沙咀应该有食过依开小食店。之前暂时休业依家系元朗重开左喇！👏🏻👏🏻我称之为高质小食！绝对同普通街边既小食店唔可以相提并论👍🏻 -炸云呑（泰汁）入面系酿左鲮鱼肉 大大只 鱼肉份量唔算少 -蒜香炸豆腐有少少似潮州既炸豆腐 不过外皮较韧 但入面好juicy🙈🙈-黄金炸烧卖巨大化既炸烧卖！第一次食到咁大粒既炸烧卖！平时食开个d系实督督 外层脆脆的 但依个咬落竟然有空气感😂咬一啖 再用空心位沾一沾汁 好惹味👏🏻👏🏻 -越式粉丝春卷依个普通来货的味道 正常 可以略过😂其实佢仲有粉仔 碗仔翅 鸡丝冷面都出名 今次食唔哂 依间实有下次🤗重点系 佢d自家制既饮品 超 级 好 喝！#苦瓜菠萝系类似沙冰型态 入口真正苦瓜味道 甘苦 之后就是甜味 一d都唔会觉得难饮 平衡得好好 食炸物饮依个真心消暑又解腻 #水蜜桃一样的型态 饮落清甜水蜜桃味 每一啖都有水果肉 又不会太甜 大爱啊！#柑桔乜乜一样的好喝 有家的感觉 有饮开过咸柑桔就知道 依间仲要好浓味👏🏻👏🏻每枝都系$15大元 真系好抵饮啊!#百利来美食元朗凤琴街19号鸿运中心61号地下(幸时饼店旁)营业时间:晚上六时至十二时
继续阅读