影片
更多
2019-10-14
1555 浏览
今日約咗一班熱愛打邊爐嘅朋友出嚟食飯，本身諗住去朗豪坊食嘅，但因為示威活動朗豪坊都閂埋。但係錯有錯着，沿着大角咀方向行，俾我哋搵到間超級好食嘅火鍋餐廳！冇錯係超級好食，呢間力奇火鍋已經佔據左我心目中火鍋排行榜嘅第一位，睇埋落去就知點解！一行到入去見到每枱個鍋入邊都放滿湯底配料，啲配料係多到嚇親我，而且環境好有住家feel！仲有我發現每枱都差不多10個8個人，再望下佢啲火鍋配料，超級大碟！好適合一家人或者一班朋友嚟食飯吹水飲酒🍻首先揀咗豬骨煲先再慢慢揀配料，選擇都好多建議大家可以叫一份先，因為份量真係幾多，同埋蔬菜類可以後加，睇埋落去就知原因🤘🏻呢個湯底真係唔野少㗎！入面有豬骨，粟米，蕃茄，白蘿蔔，南瓜片，馬蹄，仲有雞腳同節瓜，淨係個湯底都成8樣配料，啲豬骨起碼有八九件幾乎有拳頭咁大件，一係就食晒佢，一係就夾出嚟，如果唔係真係冇位淥野食嫁😂湯底嘅味道係超濃郁，完全冇誇大，濃厚嘅豬骨味混合粟米蕃茄既鮮甜仲有出曬味既雞腳，令到成個湯充滿膠質！可以幾肯定個湯冇落任何調味料，食到既都係原汁原味👍🏻同味精湯包嘅湯底真係差好遠！配料到啦，我哋就見咁多人所以嗌咗兩份鵝腸，點知原來一份都已經咁大份，鵝腸
一行到入去見到每枱個鍋入邊都放滿湯底配料，啲配料係多到嚇親我，而且環境好有住家feel！仲有我發現每枱都差不多10個8個人，再望下佢啲火鍋配料，超級大碟！好適合一家人或者一班朋友嚟食飯吹水飲酒🍻
首先揀咗豬骨煲先再慢慢揀配料，選擇都好多建議大家可以叫一份先，因為份量真係幾多，同埋蔬菜類可以後加，睇埋落去就知原因🤘🏻
呢個湯底真係唔野少㗎！入面有豬骨，粟米，蕃茄，白蘿蔔，南瓜片，馬蹄，仲有雞腳同節瓜，淨係個湯底都成8樣配料，啲豬骨起碼有八九件幾乎有拳頭咁大件，一係就食晒佢，一係就夾出嚟，如果唔係真係冇位淥野食嫁😂湯底嘅味道係超濃郁，完全冇誇大，濃厚嘅豬骨味混合粟米蕃茄既鮮甜仲有出曬味既雞腳，令到成個湯充滿膠質！可以幾肯定個湯冇落任何調味料，食到既都係原汁原味👍🏻同味精湯包嘅湯底真係差好遠！
配料到啦，我哋就見咁多人所以嗌咗兩份鵝腸，點知原來一份都已經咁大份，鵝腸好爽甜，無乜肥膏，好新鮮👍🏻
啲雞子脹卜卜紅卜卜，放落水馺耐少少先食，咬落去個口感真係不得了，雖然唔係我食過最好食嘅雞子，但佢嘅口感一流，爆曬啲汁出嚟，不得了！
其實呢份係一份金菇，起碼有四包去街市買到嘅份量，我哋八個人都食唔晒一份金菇😅
黑椒牛丸又係好好食！牛丸用鮮牛肉造，黑椒味濃帶bb辣，肉質彈牙又香牛肉味，咬開依然仲鎖住肉汁，正！
新鮮脆肉鯇，魚肉通透無骨，肉質鮮美又爽脆！味蕾被徹底俘獲😍
呢隻係美國肥牛肉，亦都係我食過咁多間火鍋以來遇到最好食嘅牛肉！睇到佢嘅紋路好統一，油花分布細緻，脂肪交雜，肉既色澤都好靚，食落緊致同牛味濃郁！
而呢隻就係本地鮮牛肉，對比起肥牛呢隻鮮牛肉肉質比較有彈性有嚼口，肉質呈偏鮮桃紅色，肌肉組織亦較為纖細！
呢個類似豬頸肉嘅我都唔知係咩嚟，我亦都冇食到因為太飽，不過見到佢肉質都幾靚脂肪亦比較少，d friends 話好食，我未食過就唔評論啦。
另外因為OpenRice最多post12張相,我仲想推薦嘅就係炸魚皮！勁香脆！唔食就走寶啦！
至於點解我叫大家蔬菜類可以後加呢，因為你望番啲相你會發覺其實每個菜式底下都有唔同款嘅菜類，就好似肥牛同埋豬肉底下嘅就係油麥菜，鮮牛肉底下嘅就係唐ho(應該係),牛丸同埋鵝腸底下嘅就係生菜，份量唔少㗎，都咁多菜咯，食埋先啦唔好做大嘥鬼嘛，最後我哋都叫咗一款菜同加咗一碟白蘿蔔咋。
我諗呢度都有成斤咁重，呢間力奇火鍋真係好食又抵食，淨係個豬骨煲嘅配料都已經冇得彈，如果夾硬要我挑剔嘅就可能係餐廳好多客比較忙，所以跟單個方面有漏單情況出現，同埋d呀姐廣東話麻麻哋，不過雖然係好難溝通，但係佢哋全部都好好笑容好有禮貌👏🏼依間力奇火鍋係必定必定會返轉頭同極力推薦👍🏻👍🏻👍🏻👍🏻👍🏻👍🏻👍🏻👍🏻
张贴
