花園餐廳 (已結業)

我覺得, 出旺角食飯, 係十分頭痕的一件事。想搵間似樣少少的食肆, 是極難, 更不要妄想有咩城市驚喜。次次唔想諗, 都係走返"梗有一間o係左近"的花園餐廳。今次同妹妹細佬stupid完, 決定都係唔板前, 求其o係花園搞掂算數。一人一個扒, 西冷蘇格蘭T骨各一, 5成熟, 蒜蓉汁。餐湯兩紅一白, 是日紅湯唔多好飲, 白湯仲衰, 味精加鷹粟粉, 飲唔完。不消一會三個扒就到齊。塊塊都大過我塊大面! 恐怖! 三個扒都煮到5成熟, 唔錯。其中最好的算是T骨, 肉質香濃得來不硬, 肥瘦亦適中, 量亦好大, 90元是抵食的。蘇格蘭牛扒薄薄的, 感覺都唔錯, 有牛肉應有的口感。三個最不好吃的是西冷, 肉味竟然最弱! 不可思議。餐飲兩位都要了凍檸水, 我這個老的, 只能飲熱檸水... 人愈大, 愈受唔到凍飲。老矣。二百多元, 捧住個肚走, 花園餐廳絕對交足功課。