影片
更多
2019-09-16
282 浏览
剛過完中秋，好好証明了，過節在家食好過出街食。除咗多人之外，平時食開可以嘅店舖，竟然可以梗難食！之前分享粥檔時網友介紹，隔離有前粥檔師傅自己開嘅小店，見朋友試完粥同油炸鬼都話唔錯，不過我就叫舊食炒麵，頭兩次平日食都唔錯。炒麵，同隔離唔同，用發泡膠盒裝，外賣無加一，盒裝空間上明顯較少，配料都係得幾條，無網友話更足料嘅感覺，但阿姐好細心，問我要唔要醬，加唔加辣，幫我加好哂醬，因為醬料都無放出嚟。而麵質上有咬口，油味唔重，食完無成兜油。炒米粉，今次係另一個阿姐，無幫我加醬，所以就試吓原味，可能米粉較幼關係，感覺份量仲少，配料都係得幾條，調味可以，粉軟硬調中，就係份量少絕全區。今次中秋，打算早收唔食太飽，同人樣樣買啲一齊食。見廚房無人，得個阿姐，仲要收少條油炸鬼，當你以為節日優惠就出事啦！炒河粉，份量好多，爆哂出嚟，配料都比之前多，碎可能炒功問題。但食落啲粉又乾又硬，充滿油味，仲有燶味！望真啲入面有幾條有燶邊，但依個程度不至於梗，只能認為係返炒隔夜粉，仲係用燶油。油炸鬼，依個係重災區，買一送一喎！外表睇完全無問題，咬落都脆，仲比平時厚脆，但入面入哂油，成陣舊油味，實哂，質感完全唔鬆，食完半條已
炒麵，同隔離唔同，用發泡膠盒裝，外賣無加一，盒裝空間上明顯較少，配料都係得幾條，無網友話更足料嘅感覺，但阿姐好細心，問我要唔要醬，加唔加辣，幫我加好哂醬，因為醬料都無放出嚟。而麵質上有咬口，油味唔重，食完無成兜油。
炒米粉，今次係另一個阿姐，無幫我加醬，所以就試吓原味，可能米粉較幼關係，感覺份量仲少，配料都係得幾條，調味可以，粉軟硬調中，就係份量少絕全區。
今次中秋，打算早收唔食太飽，同人樣樣買啲一齊食。見廚房無人，得個阿姐，仲要收少條油炸鬼，當你以為節日優惠就出事啦！
炒河粉，份量好多，爆哂出嚟，配料都比之前多，碎可能炒功問題。但食落啲粉又乾又硬，充滿油味，仲有燶味！望真啲入面有幾條有燶邊，
但依個程度不至於梗，只能認為係返炒隔夜粉，仲係用燶油。
油炸鬼，依個係重災區，買一送一喎！外表睇完全無問題，咬落都脆，仲比平時厚脆，但入面入哂油，成陣舊油味，實哂，質感完全唔鬆，食完半條已滿囗油臭，嘜都唔想食。總結都係，返炸。
白糖糕，同一般見開嘅唔同，厚身，唔係純白，帶黃，細密氣孔，質感上更似蛋糕，但食完上面過啲，已經無心情，亦無胃口食。其實私人舖頭，間中唔開一兩日好正常，如果過節真係唔想開未無開，整堆隔夜嘢出嚟，連賣過個都知有問題，唔係點會收平？聽聞當日都有其他食店變難食咗，果然勉強無幸福。
张贴
