尚品粥品專家 (已結業)

炸兩😎$12炒河粉😉$10一大早去到荃灣😏仲未食早餐的我，本身諗住食粥🙈結果去咗食炒河炸兩🤣炸兩好大份😮可惜油炸鬼有啲厚身😝唔夠脆口，一碟已經好夠飽😛炒河粉味道一般🙈份量唔算太多😂試過就算😁尚品粥品專家 (荃灣)荃灣路德圍運通街5號地下

突然想吃粥，心裡爭扎要吃同一條街上的老字號還是另一間較新的。由於以前已吃過老字號，便想試試新粥店。誰知.....我想點菜乾豬骨粥，沒有了，那改點南瓜瘦肉；朋友就點了柴魚花生粥，另外再點了腸粉。點完才發覺，當時其他客人都是外藉工人姐姐。姐姐想在粥店點可樂😂。然後，我便看到了食物的製作。原來店內冇明火！ 阿姐首先從旁邊一個中型膠桶舀起一起粥，加配料，再放進小鍋，利用電磁爐翻熱。頓感伏味濃。粥端來時還算熱，可惜粥底像粉水，溶溶爛爛沒味道。柴魚花生粥就更差，調味很重，像加了味精的味道。生菜粟米腸從裡面廚房(?)拿出來。一看已覺外皮粗鞋，不像一般即製布拉腸粉的滑溜。咬下去，不得了😣有米旱味。估計就是用河粉製作的腸粉，而且是用有旱味的河粉！ 沒錯，價錢是不貴。沒錯，是小店，本應支持一下，但實在支持不住，吃不下去，大約吃了一半就結帳。更浪費！

剛過完中秋，好好証明了，過節在家食好過出街食。除咗多人之外，平時食開可以嘅店舖，竟然可以梗難食！之前分享粥檔時網友介紹，隔離有前粥檔師傅自己開嘅小店，見朋友試完粥同油炸鬼都話唔錯，不過我就叫舊食炒麵，頭兩次平日食都唔錯。炒麵，同隔離唔同，用發泡膠盒裝，外賣無加一，盒裝空間上明顯較少，配料都係得幾條，無網友話更足料嘅感覺，但阿姐好細心，問我要唔要醬，加唔加辣，幫我加好哂醬，因為醬料都無放出嚟。而麵質上有咬口，油味唔重，食完無成兜油。炒米粉，今次係另一個阿姐，無幫我加醬，所以就試吓原味，可能米粉較幼關係，感覺份量仲少，配料都係得幾條，調味可以，粉軟硬調中，就係份量少絕全區。今次中秋，打算早收唔食太飽，同人樣樣買啲一齊食。見廚房無人，得個阿姐，仲要收少條油炸鬼，當你以為節日優惠就出事啦！炒河粉，份量好多，爆哂出嚟，配料都比之前多，碎可能炒功問題。但食落啲粉又乾又硬，充滿油味，仲有燶味！望真啲入面有幾條有燶邊，但依個程度不至於梗，只能認為係返炒隔夜粉，仲係用燶油。油炸鬼，依個係重災區，買一送一喎！外表睇完全無問題，咬落都脆，仲比平時厚脆，但入面入哂油，成陣舊油味，實哂，質感完全唔鬆，食完半條已

放工冇心機食嘢，結果走咗去食粥。之前幫襯過幾次，都正正常常，但今日唔知點解，一個人都冇，有啲驚 ╮(￣▽￣"")╭叫咗碗白粥，綠豆咸肉粽，再加多一碟炸兩 (╯3╰)碗白粥，正正常常，都好大碗。樓面係兩個師奶，入面舖後就係一個阿伯。嗰兩個師奶完全冇嘢做，掛住傾計。個阿伯就拎咗隻粽出嚟。。。一拎出嚟，即刻冇胃口。阿伯嘅手指甲又灰又黑。係灰甲呀 (/ω＼)諗起係佢包炸兩，又拆粽，完全冇晒心機。炸兩嘅油炸鬼唔新鮮，一啲都唔熱。隻粽不過不失，但完全唔熱。又係嗰句，眼不見為乾淨！但咁嘅衛生，咁污穢，冇下次。

見天氣轉涼想食碗熱辣辣既粥😚💕朋友話呢間粥店係荃灣靠得住所以就入去試下⭐豬潤生滾粥 $27新鮮滾熱辣既豬潤粥好快送到，上枱個陣見到啲泡仲係滾下滾下。碗粥裡面有好多薑絲用黎辟腥，豬潤大大塊份量算多，而且爽口彈牙，唔會煮耐左。價錢中等，味道唔錯，而且味精唔算多，食完無口渴感。⭐蒸蘿蔔糕$13最鐘意傳統既蒸蘿蔔糕配豉油。蘿蔔糕最重要係多蘿蔔絲，可惜呢碟蘿蔔糕太多粉，食唔到太多蘿蔔味，有少少浪費左個胃。🧐🧐⭐炸兩$12生滾粥配炸兩係定律黎嫁嘛，最怕炸兩裡面舊油炸鬼唔多脆。起初對呢碟價值$12既炸兩無太大期望，但係反而幾脆幾好食，但腸粉皮可以熱多少少就好啦🙈🙈🙈總結如果病病地又想食粥，呢到係荃灣唔錯既選擇！

今早有事在荃灣辦，辦完事後想找間有粥和腸粉食的食肆食早餐，結果在地鐵站附近找到這一間。望一望餐牌，粥和腸粉的種類非常多。除了基本的粥品，還有南瓜肉碎粥，粟米粥..., 而腸粉則有豬膶腸，魚片腸...。由於時間關係，未必有足夠時間食碗熱騰騰的粥，我和老公只是分別點了义燒腸和魚片腸，還有熱荳漿。這兩款腸粉都是即叫即蒸。魚片腸在其他粥品食肆真的很少機會食得到，主要是用鯇魚片放在腸粉中，腸粉夠滑，魚片較淡，相對腸粉豉油比較鹹，可能這個配搭讓不同口味的食客可以調節自己喜歡鹹淡的程度。熱荳漿是即時煮熱，真是貼心。有機會下次會來試其他食物。

其實回家路上己經過這小店無數次，每次也想過要光顧，但每次在考慮晚餐吃什麼時，總不會想起這店。今天不經意在街市聽到街坊的對話中，推介這家粥店的豬潤腸，說現時很少地方有豬潤腸食，而且是新鮮即製。我一聽到當然鎖定目標要去一試。阿姐在門外熱情招呼我入去，有選擇障礙症的我在考慮吃什麼時，店員並沒有催促，反而走開讓我慢慢想。今時今日好多小店懶有性格要客人比錢買難受，這些小事己是很難得了。豬潤腸是不二之選，無揀錯，腸粉皮又簿又滑，豬潤熟度剛剛好。鯪魚球生菜粥係有「手指公」的其中一款，我食完都比個手指公佢，鯪魚球有好多粒，夠彈牙，魚味果皮味剛剛好。最正係個粥底，好綿好好味，食到最後都無出水，真材實料，個味係同細個食街市檔既粥一樣咁好味道，食返嗰個味真係好開心。 最重要係食完無口乾，即係無咩味精。真心推介呢間粥店，希望佢繼續做好粥比我地街坊。

公司加班，加上天氣炎熱， 放工後希望匆匆回家。 路過新開的粥品店， 看見門面光猛，熱情的店員主動上前招呼， 今晚試一試外賣吧。 生菜鯪魚球粥試第一口便有驚喜， 鯪魚球加入了夥粒陳皮， 味道香醇之餘也不會蓋過鯪魚球的鮮味， 生菜份量恰到好處， 至於生滾粥底， 吃到尾也不會翻水的， 確實是真材實料。 齋腸粉滑滑的腸粉 ,帶著濃濃的米味，店主收六蚊一碟， 價錢比空心麵包更便宜， 實在是物超所值。有良心的地道小店，在香港已經越來越少 ， 下次可以再來，嘗試別的粥品。