影片
更多
2013-04-24
197 浏览
21/4/2013由於對呢區既食店一D都唔熟既關係,又唔知係咪呢條行D日式食店主要做晚市..行左半條女人街,發現好多’’特色小店’’都未開工~~有D冇閂門既又唔係咁吸引~終於發現左呢間睇落D相都叫有D吸引力,所以就喺門口睇左陣餐牌,期間有個侍應喺裡面望出黎, 但係佢又唔會黎開門,所以我一度以為佢都係未開始做生意,本來諗住走架LA~點知又見到入面有兩耛人食幫襯緊,於是我決定試下開門,點知個侍應又會過黎招呼…呢到D服務真係奇妙~ 一坐底,服務員就拎左個TEA SET 既餐牌比我睇~我就隨即問佢有冇其他選擇,佢就再拎多個大餐牌比我可能係優閒下午茶時段,所以大家既服務令人感覺都好’優閒’!!其實我份人都比較簡單~去食日式野無非都係叫兩件主打(蟹子沙律,燒三文魚頭)再睇心情加DD壽司最後點左:蟹子沙律 – 話晒都係我的心水,緊會有少少期望, 同時帶黎點點失望,蟹子沙律D蟹子居然得一匙咁少~!真係令人意外!! 青瓜絲同蟹柳絲份量算係OK!青瓜絲一食就知唔似係新鮮貨,太軟唔爽口,感覺好似係拎黎墊刺生底的配菜,而且切好雪左一段時間咁,好快就出晒水,配合埋好稀疏的蟹子,真係有少少想喊..燒三文魚頭 –
由於對呢區既食店一D都唔熟既關係,又唔知係咪呢條行D日式食店主要做晚市..
行左半條女人街,發現好多’’特色小店’’都未開工~~有D冇閂門既又唔係咁吸引~
終於發現左呢間睇落D相都叫有D吸引力,所以就喺門口睇左陣餐牌,
期間有個侍應喺裡面望出黎, 但係佢又唔會黎開門,
所以我一度以為佢都係未開始做生意,本來諗住走架LA~點知又見到入面有兩耛人食幫襯緊,
於是我決定試下開門,點知個侍應又會過黎招呼…呢到D服務真係奇妙~
一坐底,服務員就拎左個TEA SET 既餐牌比我睇~
我就隨即問佢有冇其他選擇,佢就再拎多個大餐牌比我
可能係優閒下午茶時段,所以大家既服務令人感覺都好’優閒’!!
其實我份人都比較簡單~去食日式野無非都係叫兩件主打(蟹子沙律,燒三文魚頭)
再睇心情加DD壽司
最後點左:
蟹子沙律 – 話晒都係我的心水,緊會有少少期望, 同時帶黎點點失望,
蟹子沙律D蟹子居然得一匙咁少~!真係令人意外!! 青瓜絲同蟹柳絲份量算係OK!
青瓜絲一食就知唔似係新鮮貨,太軟唔爽口,感覺好似係拎黎墊刺生底的配菜,而且切好雪左一段時間咁,好快就出晒水,配合埋好稀疏的蟹子,真係有少少想喊..
燒三文魚頭 – 以呢個價錢有呢個’份量’,我覺得好可以~我欣賞佢的火力調效得好好
好快上枱之餘仲熱辣辣,有D部份仲有少少燶燶地硊卜卜既感覺,再加上放左少少七味粉,覺得特別惹味,I like~!
劍魚腩壽司 同 油甘魚壽司 - 睇落好好睇~又肥有光澤,不過食落好似冇咩魚香味~口感比較淡~
厚切三文魚腩壽司 – 餐牌講明係厚切,果真冇欺騙大家, 真係比佢其實壽司魚切得厚身一D
而且腩的確係魚味比較濃,值得推介~!!
富貴蝦壽司 - 佢係由熟海蝦加海胆再加少少蟹子結合而成,當然仲有舊飯LA!
熟海蝦本身好似煮熟之後放喺雪櫃有一段時間,所以比較乾身同D肉散散地,
海胆有D鯹,一D都唔新鮮,可能佢覺得少少份量唔覺眼掛~對裝飾的蟹子冇咩要求了~幸好食落唔鯹!
其實我有諗過點埋佢的’玉子壽司’,當我問服務員D玉子係咪自家製,
佢就答我係一盒盒咁…..於是我就明白,,而放棄左呢個念頭~
我覺得一間店的自家製玉子燒,係好能夠表現到師傅的對食物的誠意~
如今見佢係買現成既,相信唔點都唔係件損失
我發覺呢到D壽司都几飽肚,佢D飯份量都算大了,而且一夾就知師傅好比力去握實佢,
用筷子大夾都唔可以將佢地’’分開’’~!
總括黎講 : 可能我唔係食佢D’’熱情推介’’!所以食唔出師夫的真功夫,
又可能呢區D壽司店係實行呢種模式,..以今日既經驗,好難有下次再來食的衝動~!
题外话/补充资料：
另外真係唔明白佢地點解要比坐山咁大的芥末我,我個人黎講一向都唔係好需要芥菜調味,
原因係我覺得真正新鮮既刺身並唔需要太多調味料~!!佢咁做會比人感覺太外行~
反而我覺得佢D芥末真係几新鮮,聞都聞到佢的功鼻感覺~!
(以上食记乃用户个人意见 , 并不代表OpenRice之观点。)
张贴
