想食低卡少少
就一於揀日本菜
嚟咗呢一間好多好評嘅餐廳
好驚喜
好滿足既一餐
佢起Monterey既二樓
都唔算容易搵㗎
舖頭雖然唔係好大
但係裝修都幾靚
1
1
價錢起將南嚟講唔算貴
今日仲有八折添
所以我哋就豪啲嗌咗套餐
首先嚟既係
日式煙鴨胸凱撒沙律勁大兜
沙律菜好新鮮！煙鴨胸一啲都唔騷！！！
仲好juicy添
最欣賞佢係加咗啲米餅落去
增加口感之餘仲增加咗個日式感覺
再嚟既係
精選刺身三點盛刺身好新鮮
特別係北寄貝！
出面好多都乾爭爭，但係呢度係好鮮甜
食到北寄貝個種鮮味
之後仲有茶碗蒸同麵豉湯
正常操作啦
好食嘅，但係相對其他嘢就好似冇咁驚喜
茶碗蒸入面都冇乜其他料既
呢個串燒盛合真係不得了
真係比起出面嘅日本餐廳仲更加有誠意
岩手雞肉串雞味係超濃
！絕對食得出係日本雞所以佢冇乜點樣落調味料都好好食
黑豚豬腩肉串呢個佢燒得好香口！
仲要唔係好肥膩～好味！
鵪鶉蛋串呢道菜都好好味
鍾意佢啲汁令到鵪鶉蛋冇咁乾身
日本翠玉瓜串呢個最好食係面頭嘅粉！！！
令到翠玉瓜好香口惹味
仲要係好Juicy
最驚喜係梅子車厘茄串我本身唔鍾意食車厘茄
但係我加咗啲梅子粉
同埋燒得熟咗之後就冇咗嗰浸草青味
人生第一次覺得車厘茄係好食
好驚喜
之後仲有松葉蟹肉蟹子茶漬飯
都係勁大碗
松葉蟹肉有鮮味，唔係啲急凍到冇晒味嘅蟹肉
最正係佢個調味好夠
我哋都差唔多清晒
最後仲有個甜品添
竟然有綠茶蕨餅
我鍾意佢唔會好甜
有綠茶嘅甘味
反而配返個紅豆就中和返
連甜品都咁有誠意
你哋話係咪好抵食先
總括嚟講
呢度食無論食物質素，性價比都係超高
值得一提嘅係呢度嘅服務態度好好好好
無論店員同埋經理都係
每道菜上佢哋都會介紹
同埋好有禮貌！！
我哋食到中途已經好想再嚟
真心推介，希望佢哋生意興隆
