影片
更多
2008-08-13
7 浏览
8月5日, 83週月快樂!!!是日因為我要喺灣仔做野, 8點幾先放工, 所以約咗呀菲喺灣仔慶祝我地既週月紀念~ 呢度甜品buffet幾出名, 坐得舒服, 又由8點食到11點, 時間啱晒我地~ 人地話幾難訂枱, 不過我地去到都係坐咗5成~::: 甜品自助餐 ::: @$228甜品種類真係多到花多眼亂, 有齊中, 西, 日式, 又有凍有熱, 仲有d用好特別材料整既甜品. 真係冇可能食得晒~ 加埋有少少咸點, 好豐富~ 可能冇乜人會好似我地咁食甜品當晚飯, 勁食~ 哈哈哈!先食d咸點先~::: 蔬菜忌廉湯 ::: 出乎意料好飲, 忌廉味濃得黎唔會太杰, 仲熱辣辣添~ 蔬菜都好多, 好少自助餐d餐湯有咁好水準, 我地飲咗3,4碗, 仲用咗雪糕杯裝~::: 三文魚蘑菇火腿卷 ::: 都唔錯, 面頭層酥皮好香, 加埋火腿包住三文魚好好食, 不過食cake食得滯, 只係食咗2件~::: 焗芝士包 ::: 剛剛焗好既芝士味香濃, 漏晒出黎咁滯~ 麵包柔軟香噴噴, 麵包技術真係一流~::: 各款芝士 ::: 擺喺枱面都有4,5種芝士, 由好咸到好臭都有, 我地當然唔執輸乜都試~ 芝士拼餅係好味過拼包~對
是日因為我要喺灣仔做野, 8點幾先放工, 所以約咗呀菲喺灣仔慶祝我地既週月紀念~ 呢度甜品buffet幾出名, 坐得舒服, 又由8點食到11點, 時間啱晒我地~ 人地話幾難訂枱, 不過我地去到都係坐咗5成~
::: 甜品自助餐 ::: @$228
甜品種類真係多到花多眼亂, 有齊中, 西, 日式, 又有凍有熱, 仲有d用好特別材料整既甜品. 真係冇可能食得晒~ 加埋有少少咸點, 好豐富~ 可能冇乜人會好似我地咁食甜品當晚飯, 勁食~ 哈哈哈!
先食d咸點先~
::: 蔬菜忌廉湯 ::: 出乎意料好飲, 忌廉味濃得黎唔會太杰, 仲熱辣辣添~ 蔬菜都好多, 好少自助餐d餐湯有咁好水準, 我地飲咗3,4碗, 仲用咗雪糕杯裝~
::: 三文魚蘑菇火腿卷 ::: 都唔錯, 面頭層酥皮好香, 加埋火腿包住三文魚好好食, 不過食cake食得滯, 只係食咗2件~
::: 焗芝士包 ::: 剛剛焗好既芝士味香濃, 漏晒出黎咁滯~ 麵包柔軟香噴噴, 麵包技術真係一流~
::: 各款芝士 ::: 擺喺枱面都有4,5種芝士, 由好咸到好臭都有, 我地當然唔執輸乜都試~ 芝士拼餅係好味過拼包~
對咸點唯一不滿係點解冇焗蠔架!!! 好失望好失望好失望囉!!!!!! 好在其他食物水準都唔錯先冇乜影響我地既食欲~ 好!到甜品了~
::: 格仔餅 ::: 每件格仔餅都係熱辣辣新鮮出爐, 食得出蛋味好濃, 直頭係外脆內鬆軟~ 真係好超班~!!
::: 焦糖芝士燉蛋 ::: 面層有片薄薄的焦糖, 估唔到竟然幾match下面好creamy的芝士燉蛋! 芝士味同蛋味都夠~ 正~ 不過食1碟已經好飽~
::: 意粉雪糕 ::: 名就好特別, 只不過係師整幫你將軟雪糕壓成一條條意粉狀, 加埋個淋pat pat既餅乾兜, 再比你自己整下toppings. 完全唔特別, 徙左d vanilla雪糕! 被騙了……
::: 各款雪糕 ::: 完全唔係平時食開既味道, 特別既有桂花杞子, 火麻仁, 仲有芒果乳酪雪糕, 椰子, 蜜桃雪葩咁~ 雪糕係幾滑, 不過冇朱古力都係差dd, 其他味道其實都係特別不過怪怪…
::: 雪糕蛋糕 ::: 有4,5款~ 主要都係朱古力, 咖啡味. 感覺d雪糕蛋糕太軟, 唔夠硬, 口感一般. 不過有1個係加左可可米既~ 好crunchy~ 挽會不少分~ 另外有個原個檸檬裝住既檸檬雪芭, 勁清新勁好味!
::: 各式蛋糕 ::: 日式檸檬撻, 勁好味呀~ tiramisu得杯裝仲要得d cream又冇芝士味又冇酒味, 唔得! 鐵觀音朱古力蛋糕味道好得意, 茶味同朱古力一齊幾夾! 即焗梳乎里要了熱情果味, 雖然新鮮出爐不過很一般~ 其他仲有士多啤梨千層蛋糕, 芒果杏仁蛋糕, 綠茶紅豆蛋糕等等… 仲有好多唔同味既macarons同好多不同款既cup cakes不過賣相麻麻冇食…
::: 中式甜品 ::: 楊枝甘露好味~!! 足料野~ 粒粒西米加柚子肉~ 好多芒果粒又多椰汁花奶~ 仲有豆腐花, 不過太飽冇食~
::: 各款水果 ::: 真係好多款新鮮生果~ 色彩繽紛好開心呀!! 有西瓜, 蜜瓜, 哈蜜瓜, 菠籮切片~ 原粒士多啤梨, 布冧, 紅毛丹~ 切件既橙等~ arm晒呀菲呢個生果癡!!
環境非常舒適, 浪漫透頂~ 我地仲坐喺窗口旁邊既梳化位, 真係舒服到可以瞓著~ 燈光柔和, 又有live band 伴奏, 我地都坐到11點先走~ 我地一致認為呢度極嘆!~
张贴
