影片
更多
2019-10-28
69 浏览
想去滾?黎銅鑼灣登龍街既「去滾」就岩哂啦.餐廳裝修係中式CROSS OVER惡搞趣味室內燈光昏暗，好似落左去酒吧咁千奇百趣既係霓虹燈令我忍吾住逐個都去望下.聽店員講原來有分室內同室外於是就八掛下去望望室內打邊爐區除左一般既2-4人位同卡位原來仲有包廂房添最細既包廂都可以坐到6人架而最大既房真係靚靚靚房間好寬敞，空間感勁大一張大圓枱，可以坐到13人而牆壁上係一幅幅大型手繪人畫每間房既畫風都吾一樣架！最重要既係，仲有大電視機配上長梳發可以邊打邊爐邊唱K架！勁吸引而室外就好浪漫一大棵櫻花樹配上暗淡既燈光坐係出面，飲杯酒，傾下計，SO RELAX·餐牌設計都好有心思鍋底材料勁豐富湯頭係以豬肚熬煮而成既豬肚湯跟住店員幫我地放入大半隻雞件入鍋中去煮煮滾後就會聞到勁香既胡椒豬肚香先飲一碗湯，豬肚同雞既精華已經散發出黎·牛腩頭肉帶甘香，油份重而且味道特濃係鍋中涮十秒，入口夠香滑又帶韌性，超正而且份量仲好多添·大大隻既貴妃蚌新鮮而味道鮮甜肉質結實又爽口·其實係菜苗餃菜苗餃比較少見，因為菜苗比較貴餃子上沾滿麵粉，可見係即叫即包餃皮好薄，餃餡係菜苗豬肉啖啖肉腍香甜呢·其實係手打牛肉丸同一般牛丸吾同牛味勁濃厚
黎銅鑼灣登龍街既「去滾」就岩哂啦
.
餐廳裝修係中式CROSS OVER惡搞趣味
室內燈光昏暗，好似落左去酒吧咁
千奇百趣既係霓虹燈
令我忍吾住逐個都去望下
.
聽店員講原來有分室內同室外
於是就八掛下去望望
室內打邊爐區
除左一般既2-4人位同卡位
原來仲有包廂房添
最細既包廂都可以坐到6人架
而最大既房真係靚靚靚
房間好寬敞，空間感勁大
一張大圓枱，可以坐到13人
而牆壁上係一幅幅大型手繪人畫
每間房既畫風都吾一樣架！
最重要既係，仲有大電視機配上長梳發
可以邊打邊爐邊唱K架！勁吸引
而室外就好浪漫
一大棵櫻花樹配上暗淡既燈光
坐係出面，飲杯酒，傾下計，SO RELAX
·
餐牌設計都好有心思
鍋底材料勁豐富
湯頭係以豬肚熬煮而成既豬肚湯
跟住店員幫我地放入大半隻雞件入鍋中去煮
煮滾後就會聞到勁香既胡椒豬肚香
先飲一碗湯，豬肚同雞既精華已經散發出黎
·
牛腩頭肉帶甘香，油份重而且味道特濃
係鍋中涮十秒，入口夠香滑又帶韌性，超正
而且份量仲好多添
·
大大隻既貴妃蚌
新鮮而味道鮮甜
肉質結實又爽口
·
其實係菜苗餃
菜苗餃比較少見，因為菜苗比較貴
餃子上沾滿麵粉，可見係即叫即包
餃皮好薄，餃餡係菜苗豬肉
啖啖肉腍香甜呢
·
其實係手打牛肉丸
同一般牛丸吾同
牛味勁濃厚，咬落仲好彈牙，大讚
·
呢個菜籃真係勁大份
吾係生菜，大白菜呢D打邊爐常見既蔬菜
仲有埋菜苗同火箭菜添
·
食飽飽緊係食埋甜品先滿足
呢碟係椰香脆麻花
炸到金黃色
上層淋上蜜糖漿
香脆又有少少甜，大滿足呀
张贴
