鐵板燒海幸 (已結業)

等我黎記錄我係kaiko既第一次啦啦!!! 因為之前訂左位, 所以唔使點等就入到去食野喇!!

首先講下環境先, 呢度環境好好, 透過玻璃窗可以望到海景, 淨係睇住個海景都值回票價啦!!!

呎度既胡麻豆腐真係一定要試!!!!!!
d豆腐燒個皮脆卜卜, 正, 我極力推介! 十個'脆', 伴埋d日本豆苗(好新鮮的), 再配埋胡麻醬, 正, 口感好豐富

鵝肝海膽蒸蛋都唔錯, d蛋真係好滑, 仲好新鮮tim!!! 當我孤陋寡聞, 用鐵板黎蒸蛋我都係第一次見第一次試, 開心死

而家計劃緊第日黎睇煙花!!!

p.s. 係kaiko都可以食到4樓間餅店Carousel既cake, 好方便, 推介: 朱古力香蕉球