利哥粉麵冰室 (已結業)

Lunch本想去食熱狗套餐，怎料去開的店竟然又加價又減薯條，又少一間店可以食lunch了，怎算好呢...... 本想求其食飽就算，經過利哥粉麵冰室，見仲有位，不如試試吧。雖然我對車仔麵著實只是一般喜好，不過趕時間就試試吧。店鋪不大，只有17個座位，人多時可能會比較迫。點餐是用膠餐牌再用白板筆自己劃。車仔麵餐包三餸起，選擇也不少，試新車仔麵當然要試炸魚皮吧！炸魚皮做得好，其他的都不會太差，就以炸魚皮作為基本測試之一。另外點了牛丸，還有...... 豬腩? 很少見的選擇 (還是我少食車仔麵?)，就要豬腩。 不得不提第三選項︰利哥靈魂辣汁? 好！就來個少辣。(不辣對不起自己 )先試炸魚皮，不浸湯先咬一口...... 脆爆！已經很香，正呀！其餘的用來浸湯食，都很美味，推介！豬腩很肥，啱哂我！不過可能怕食肥的人會接受唔到。牛丸雖然美味，但覺得太細粒了，唔夠喉囉！ 而湯汁要分開另一段寫，因為說是靈魂湯汁絕對沒錯。不似一般的湯水，明顯花過心思，再加上微辣，很是惹味，要讚！他們說這個是圍頭車仔麵，點餐牌背後也有解釋圍頭是什麼。值得留意的是廚房玻璃上貼的紙仔，似乎還有很多美食未嘗試。 (鮑魚? 流心蛋?