稻香 (已結業)

今日放假，約咗冇失散過，但係竟然有五年未見過面嘅親細佬同埋冇見過一面嘅弟婦出嚟飲茶，呢種咁親但係又咁撲朔迷離嘅關係係咪好出人意表呢。呢間出曬名係食點心嘅稻香都幾多嘢食，雖然我係飲茶，但係我哋唔係全部叫曬點心，因為我個弟婦原來係唔鍾意食點心喎，真係招積又巴乜閉。叫到成圍枱都係餸，我覺得最好食就係煎薄餐，我就叫呢啲煎薄餐做 Cantonese pizza， 味道鹹鹹甜甜又煙煙韌韌咁真係好好食。另一樣超級好食嘅就係豉汁鳳爪，啲雞腳趾， 蒸得好入味又淋曬，吮下腳趾真係和味。嗰碟油菜就真係唔係咁好睇喇，賣相真係差到一個點，不過就好好食好清甜。大蝦芝士伊麵，又大碟又好睇，食落仲好好味好夠芝士味，啲蝦都有鮮味。飲完餐茶，係好開心，不過唔知大家幾時再會見面， 其實我身體好多病，真係唔知我仲有冇命可以再見到佢哋。