影片
更多
2018-07-25
211 浏览
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！ 我係一個好鐘意飲茶嘅人黎，我母親大人都係，所以今日放假就陪佢去富臨飲下午茶。都好一段時間無黎富臨食野，對上一次係上年年同班朋友夜晚黎打邊爐，個次都還可，但今餐茶真係大伏！兩點幾去到茶樓，同門口知客講兩位，佢叫我自己入去搵位，ok fine，入去度度都好似有人坐咁，一係就未執檯，就算有位又唔夠櫈，搞左一輪先安頓好。坐落叫鐵觀音，茶壺黎左，上面有個牌仔寫住普洱，我同呀姐講唔好意思我地叫鐵觀音唔係普洱，佢話面個牌仔同個茶無關架喎，咁要個牌仔做乜....服務真係麻點心紙特價野食唔多，價錢亦唔係特別平！先黎個春卷，我唔理你入面係包住咩飽參翅肚料，你唔係熱嘅就已經係失敗，人流咁旺乜唔係食物應該keep住做春卷keep住炸架咩？何解會係凍架呢？凍即係擺左好耐啦，
我係一個好鐘意飲茶嘅人黎，我母親大人都係，所以今日放假就陪佢去富臨飲下午茶。都好一段時間無黎富臨食野，對上一次係上年年同班朋友夜晚黎打邊爐，個次都還可，但今餐茶真係大伏！兩點幾去到茶樓，同門口知客講兩位，佢叫我自己入去搵位，ok fine，入去度度都好似有人坐咁，一係就未執檯，就算有位又唔夠櫈，搞左一輪先安頓好。坐落叫鐵觀音，茶壺黎左，上面有個牌仔寫住普洱，我同呀姐講唔好意思我地叫鐵觀音唔係普洱，佢話面個牌仔同個茶無關架喎，咁要個牌仔做乜....服務真係麻
點心紙特價野食唔多，價錢亦唔係特別平！
先黎個春卷，我唔理你入面係包住咩飽參翅肚料，你唔係熱嘅就已經係失敗，人流咁旺乜唔係食物應該keep住做春卷keep住炸架咩？何解會係凍架呢？凍即係擺左好耐啦，咁有人點你做乜連放入microwave叮一叮都懶？好無heart成件事！仲有，d油多到爆，個碟"gip"汁點到個面都浮左層油出黎，你話誇唔誇張？
牛肉球一般，有d實的的
呢個茄字又係，油到爆，咬一啖d油就一路滴，唯一係佢真係炸過係熱嘅！
比較抵食係呢三碗瀨粉
叉瀨係呢三碗入面最好，叉燒係正常放得入口嘅
其次係個燒鵝，根本係燒鴨仲要好騷
最差一定係油雞，得雞背都算，仲要舊舊都係骨一d肉都無，同埋師傅刀功差，勁多碎骨
大佬，唔係價錢平就將價就價，我寧願你mark番貴d俾番d正常野我食
蘿蔔榚，味道正常，又係唔熱嘅不過
食到最後個蝦餃終於黎，叫做食左咁多啖屎終於俾番少少沙糖我，蝦肉好多，新鮮彈牙，如果個皮可以做得薄d就更好！
總結：呢間野我係唔會再黎，因為人流咁旺都可以係唔熱，食物又咁多油，真係麻麻地！
张贴
