小時光

位於觀塘區工廈嘅「小時光」其實有啲難揾，第一次去仲要問人先揾到正門喺邊（滴汗）由於我同朋友差唔多3點先去到，所以等咗唔係好耐就有位

餐廳裝潢走台灣懷舊校園風，枱凳都係以前課室用嘅木枱木凳，四周圍仲有一個個書架裝滿漫畫，客人可以隨便拎嚟睇

講返嘢食，主要都係賣台式嘅香酥雞、魯肉飯、滷水拼盤等等。我點咗「夜市香酥雞便當」同「黑糖奶茶」，朋友點咗「台式魯肉便當」同「荔枝梳打」，全部都係水準之作，香酥雞炸得啱啱好，滷水拼盤又夠入味！

加上呢度環境氣氛都唔錯，啱晒同三五知己嚟食飯傾偈兼懷舊