班戟館 (已結業)

平時絕對唔會踏足屯門嘅我，今日為咗「食」一個字到底可以去到幾盡？上網見到好多food blogger都推介嘅班戟館，今日終於有機會一試。果然名副其實真係幾好食下喎，我哋叫咗一個海鹽焦糖班戟，薄薄一塊，上面塗滿左海鹽焦糖醬，食落煙煙銀銀，仲有雞蛋香味溫和左海鹽焦糖嘅甜味，加上凍冰冰嘅焦糖雪糕，同熱辣辣嘅pancake冷熱交融, 好好食呀！之後仲叫咗另一個「巨人」班戟。顧名思義，佢就係比平時嘅班戟大，原來係三層嘅梳乎你班戟疊埋一齊，賣相已經好掂。鍾意佢嘅質感軟綿綿，食落有啲似蛋糕同布丁中間嘅感覺，蛋香味都好濃郁，加埋雪糕一齊食好正啊。