影片
更多
2022-10-02
2829 浏览
📌 温野菜 - 九龍塘達之路80號又一城低層地下1樓29號舖🗓(1/10) 星期六 ⏰ 下午12:45左右 💈特式：放假又國慶出去行下，今日去到九龍塘又一城，諗緊想食咩lunch就見到溫野菜，呢間火鍋我每次去親日本都肯定會食一次，嚟緊book到2023先可以去大阪，咁就而家係香港食返次先。溫野菜你香港有4間分店，但只有銅鑼灣先有做放題，今次係九龍塘呢間咁啱假期就係食佢個假日menu set。🥩🍔🌭🌮🥗🥯🥘🍲🍝🍣🥟🍤🍱食物：今次叫左佢個假日午市定食美國．英國牛定食，價值$188，等我同大家講下味道先......湯底 - 因為係一人一鍋，所以就選擇左兩個唔同湯底，一個係唔洗另加錢嘅昆布湯底，一個就加$10要左壽喜燒月見湯底。昆布湯底就差唔多係清水加幾條匙昆布，無咩想講😓；壽喜燒就幾正宗嘅味道但有少少太濃，不過隻蛋就真係一定係日本蛋，一食落口就知，完全唔同其他國家蛋，又濃又香。牛肉 - 個set如果唔加錢就已經食到3款唔同嘅牛肉，包括美國牛肋肉/美國牛胸腹肉/英國安格斯牛肋肉，每碟都有大約5片，味道我就覺得英國安格斯牛肋肉最好食，油脂比率最豐富，其次係美國牛肋肉，最普通係美國牛胸
🗓(1/10) 星期六 ⏰ 下午12:45左右
💈特式：放假又國慶出去行下，今日去到九龍塘又一城，諗緊想食咩lunch就見到溫野菜，呢間火鍋我每次去親日本都肯定會食一次，嚟緊book到2023先可以去大阪，咁就而家係香港食返次先。溫野菜你香港有4間分店，但只有銅鑼灣先有做放題，今次係九龍塘呢間咁啱假期就係食佢個假日menu set。
🥩🍔🌭🌮🥗🥯🥘🍲🍝🍣🥟🍤🍱
食物：今次叫左佢個假日午市定食美國．英國牛定食，價值$188，等我同大家講下味道先......
湯底 - 因為係一人一鍋，所以就選擇左兩個唔同湯底，一個係唔洗另加錢嘅昆布湯底，一個就加$10要左壽喜燒月見湯底。昆布湯底就差唔多係清水加幾條匙昆布，無咩想講😓；壽喜燒就幾正宗嘅味道但有少少太濃，不過隻蛋就真係一定係日本蛋，一食落口就知，完全唔同其他國家蛋，又濃又香。
牛肉 - 個set如果唔加錢就已經食到3款唔同嘅牛肉，包括美國牛肋肉/美國牛胸腹肉/英國安格斯牛肋肉，每碟都有大約5片，味道我就覺得英國安格斯牛肋肉最好食，油脂比率最豐富，其次係美國牛肋肉，最普通係美國牛胸腹肉，雖然佢已經係3款之中最普通，但都好食過香港其他日式火鍋嘅中高級數牛肉。
溫野菜盛盒 - 佢d蔬果好新鮮，店只有講係由日本直送，係日本食個時好鐘意食呢d不同種類嘅蔬菜，雖然無係日本食時咁好食，但都好新鮮。
配料 - 跟餐仲有墨汁墨魚丸同年榚條，不過就係普通野，無乜特別。
免冶雞肉 - 呢個我特登加$22加配，因為係日本食過呢個免冶雞肉好好食，入面仲會有d軟骨，好有咬口。
☕️🍵🥤🧋🍺🍷🥃🍹🧉🍾🍶🥛
飲品 - 跟餐會有汽水/烏龍茶/梳打水/薑味汽水/柚子茶等等。
🍽環境：餐廳環境唔錯，2人會提供一張用隔板分隔的6人枱，所以枱面空間都足夠，坐得都舒服，餐廳抽氣做得好好，室內無乜油煙味，亦唔會煙霧離漫。
🤵🏻🤵🏻♀️🤵🏻♂️服務：職員服務唔錯，不過可能因為假日，餐廳都爆場，佢地好明顯忙到踢晒腳，但都仍保持到良好服務態度。
💰💸價錢：叫左個兩人set埋單唔洗$450，雖然任食，但個餐都食到我肚飽飽，食物質素又好過一般日式火鍋，環境都舒適，所以都屬終合理範圍。
🐲💬總結：無得去日本食當地嘅溫野菜，有時係香港不妨食返一餐半餐，$200多d又唔係太貴，所以都可以時不時去食下。
推薦指數：❤️❤️❤️❤️🤍
张贴
