影片
更多
2019-05-31
1043 浏览
同依個舊同事識左近十年, 約食晚飯, 幾乎有七成都係會成越南嘢嘅. 我一直以為佢都好鍾意食越南嘢, 直至琴日佢問我點解我咁鍾意食越南嘢, 我先知道佢原來一直都係就緊我...... 越式鳳爪沙律 $45 平時如果出麵面食無骨鳳爪, $45 只係得10隻度, 呢度有成20有多! 其實唔單止抵食, 味道仲好好添, 少許酸之外仲有一股好重嘅越式辣味, 下面墊住好多又脆又爽嘅沙律, 第一個值90分嘅前菜! 自由配搭越式湯粉蕃茄蟹頭膏湯 $55 呢個自由配搭嘅越式湯粉實在太完美, 首先係多種配料上面, 揀你喜歡嘅~我哋揀咗生牛肉, 之後就揀唔同嘅粉麵, 例如米粉, 金邊粉, 河粉等等; 最後就係揀湯底, 我哋揀咗需要加十蚊嘅蕃茄蟹頭膏湯底, 你都好surprise, 因為喺生牛肉嘅面上，有四個中size紅卜卜嘅蕃茄, 每個蕃茄都係熟透, 但係完整嘅, 裏面好夠甜, 湯底十分濃, 十分滿分我會比8.5分, 除咗蕃茄甜之外, 佢嘅蟹頭膏湯都一樣咁鮮甜, 生牛肉鮮嫩, 軟綿綿咁, 牛肉味香濃, 另外金邊粉份量超多每人可分到兩個碗仔！食椒鹽炸軟殼蟹 $72 其實我覺得佢哋有啲不計成本,$72可以有兩隻
越式鳳爪沙律 $45
平時如果出麵面食無骨鳳爪, $45 只係得10隻度, 呢度有成20有多! 其實唔單止抵食, 味道仲好好添, 少許酸之外仲有一股好重嘅越式辣味, 下面墊住好多又脆又爽嘅沙律, 第一個值90分嘅前菜!
自由配搭越式湯粉蕃茄蟹頭膏湯 $55
呢個自由配搭嘅越式湯粉實在太完美, 首先係多種配料上面, 揀你喜歡嘅~我哋揀咗生牛肉, 之後就揀唔同嘅粉麵, 例如米粉, 金邊粉, 河粉等等; 最後就係揀湯底, 我哋揀咗需要加十蚊嘅蕃茄蟹頭膏湯底, 你都好surprise, 因為喺生牛肉嘅面上，有四個中size紅卜卜嘅蕃茄, 每個蕃茄都係熟透, 但係完整嘅, 裏面好夠甜, 湯底十分濃, 十分滿分我會比8.5分, 除咗蕃茄甜之外, 佢嘅蟹頭膏湯都一樣咁鮮甜, 生牛肉鮮嫩, 軟綿綿咁, 牛肉味香濃, 另外金邊粉份量超多每人可分到兩個碗仔！
食椒鹽炸軟殼蟹 $72
其實我覺得佢哋有啲不計成本,$72可以有兩隻完成軟殼蟹 , 好欣賞佢怎樣炸到酥脆, 但係裏面都唔會被炸到乾柴咁, 仍然仲係食到有啲肉, 炸漿糊嘅外層加上椒鹽作調味,有少少似避風塘炒蟹嘅味道!
熱薏米水 $18
真係好唔同自己煲嗰啲, 自己煲嘅永遠都係好希, 但係呢一個好似有啲浠粥水咁, 薏米煮到好綿，每啖都有薏米嘅香味, 飲落好和暖!
越式滴漏咖啡 $40
我都好佩服我呢個朋友, 因為咁夜仲飲啲咁濃嘅咖啡, 試飲咗兩啖, 真係好夠濃,而且佢充滿住越南咖啡獨有嘅香醇芳香味道, 喺咖啡下面就有一層香甜煉奶, 但係如果太甜, 可以唔落曬啲煉奶落個冰底, 自己調較適合嘅味道.
咖哩牛腩煲 $78
都係嗰句啦, 仍然都係好大碗, 大大嚿嘅牛腩都有成十嚿會, 牛腩唔係會好靭. 唔可以錯過嘅就係個牛油蒜蓉包! 比出面看得更加脆, 而且每一個面都有牛油蒜蓉, 好平均. 一件用嚟點牛腩, 一片就咁食, 兩種食法都咁正!
雖然荃灣遠就遠啲, 但係有咁好嘅越南餐, 真係不妨一嚟再嚟!
题外话/补充资料：
抵食 - i want to give 100 out of 100 ^0^!
(以上食记乃用户个人意见 , 并不代表OpenRice之观点。)
张贴
