素食一家 (已結業)

友人話要同我補祝生日，我又想同佢慶祝生日，我哋又好多野唔食得，就諗到不如食素食。為咗方便我，選擇了旺角的素食一家，我哋都係第一次嚟。環境都ok，地方雖然細，但無壓逼感。茶具幾靚。清炒豆苗：新鮮豆苗，火喉剛好而且唔會太油，好正，好快俾我哋食曬。黑松露雜菌蛋豆腐：一上枱，已經聞到黑松露味道，個醬汁好好味配飯食真係無得輸。個名唔記得，好似叫醬爆肉咁，呢個最耐，個醬汁麻麻，有點膩。會再去的，因為未試佢嘅薑茶菊花。