翠園 (荃新天地) (已結業)

荃灣翠園,係我地屋企人o既最愛酒樓之一, 次次食都覺得唔錯,裝修又靚,服務又唔差, 今次去到都諗住食餐, 因為我地一圍人,散叫送又細碟, 食餐就最好,最夠飽...今次我地見到個"撈起"餐都幾吸引,其他野食都係一般餐食到的菜式,所以今次主要想講個"撈起"...我地大家都未食過,"撈起"係星馬o既菜式, 總共有17款配料,顏色五彩繽紛,主打三文魚, 魚生...所謂“撈生,撈生”,每個人都希望新的一年可以撈得風生水起!其他材料包括,海蚻,青紅白蘿蔔,花生,薑,芝麻,糖桔餅,茶瓜,薄脆,酸蒿頭,莞茜,金柚肉,炸芋絲,紫椰菜,青檸咁...首先一大張"撈起"桌紙放上台面,好有氣勢呀,跟住待應比左d紙我地可以望個step,佢會好似大妗咁一路講8個step,一路幫我地加d調味粉,魚生醬,生油,全部都係吉祥說話, 加晒之後就叫我地大家拎起筷子,一齊"撈起"...跟住就全家人一齊撈,話撈得越高越好意頭, 我地大家都係第一次食,覺得好開心,都幾過癮,我覺得好warm呀...哈哈...講到食, 成碟野酸酸甜甜好開胃, 本來我有d野都唔食,但mix埋左之後又ok喎,仲要加埋d簿脆,好有咬口, 雖然好大碟, 但都