蘇豪海鮮專遞 (已結業)

都好耐冇同阿K去飲茶喇，所以我地趁著週末難得咁早起身，諗住行去蓮香食晏。行到門口，蓮香毫無意外咁多人。肚開始有點餓，個勢又唔似好快等到位，四周圍望，發現對面街有間海鮮專門店，舖頭細細，好似都幾有特色。咁試新嘢有陣時嘅吸引力會大過食一啲已知係好食嘅嘢。舖頭面積真係好細，不過佢地主力係做外賣，所以對整個舖頭嘅運作嘅問題不大。望一望餐牌，午市海鮮餐價錢唔係好貴，晚市嘅報價就比較切合正常海鮮嘅價錢。我地各人嗌咗唔同嘅午市套餐，好使我地能夠試得更多味菜色。阿K叫咗「聖子配象拔蚌飯」加「龍蝦湯」，而我就叫咗一碟「豉汁蒸頭腩飯」配「響螺頭湯」。試咗少少龍蝦湯，濃淡程度適中，亦有頗豐富嘅龍蝦味。我覺得呢個湯濃少少效果更佳。一濃一淡，我反而覺得響螺頭湯太鹹，有少少蓋過響螺頭嘅清甜味，濃淡嘅拿捏有陣時係比較難控制。講番主菜，阿K那碟飯嘅海鮮冇錯係細隻咗啲，但係都幾爽口鮮甜。至於我叫嘅飯，其實諗落响各大酒樓都可以食到。至於味道還可以，唔可以話出色，因為要令魚頭腩好食實在太容易，只要新鮮就是了。好老實講，食完成碟飯好似冇食一樣，冇辦法，始終叫做海鮮套餐，「靚海鮮」同「經濟實惠」係唔能夠並存，雖然每個套餐六十八