影片
更多
2008-12-13
20 浏览
13-12-2008呢餐飯絕對可以用「灣仔敢死隊」形容!早幾日0係隔0黎食越南湯粉時留意到呢度, 今日0係唔知食乜好0既情況下, 拉了朋友0黎試試. 記得好耐之前見過 Oli 食評的親子丼, 賣相勁嚇人, 好白癡地以為生吃的會好少少, 就叫了個「特上壽司餐」($62); 朋友就要了「極上壽司餐」($98); 再加一客三文魚腩刺身 (4 片 $38), 朋友食.先0黎我0個份:-- 前菜係辣味螺肉及漬蘿蔔: 現成的, 唔算難食, 不過醬汁實在太 gooey, 質地近乎中菜的芡汁, 滑潺潺感覺都幾噁心.- 麵豉湯: 沖粉式, 無味的, 飲了兩啖決定唔飲; 內有少量昆布及豆腐粒, 不過作用不大.- 10 件壽司係「三文魚 2 件, 甜蝦, 立魚, 鮑魚, 魷魚, 北寄貝, 蟹籽, 吞拿魚及熟蝦 (各 1 件)」, 配牙膏 wasabi... 賣相好樣衰, 除0左無食的兩件三文魚之外, 魚生食落亦真係幾唔新鮮, 吞拿魚就最差, 從未見過如此暗啞色的赤身, 可幸肉質未到「霉」0既地步! 有殼類/貝類的就只得魷魚叫做好少少, 起碼爽身又有少少甜味, 而最唔掂就係熟蝦, 都唔明點解可以係苦味
呢餐飯絕對可以用「灣仔敢死隊」形容!
早幾日0係隔0黎食越南湯粉時留意到呢度, 今日0係唔知食乜好0既情況下, 拉了朋友0黎試試. 記得好耐之前見過 Oli 食評的親子丼, 賣相勁嚇人, 好白癡地以為生吃的會好少少, 就叫了個「特上壽司餐」($62); 朋友就要了「極上壽司餐」($98); 再加一客三文魚腩刺身 (4 片 $38), 朋友食.
先0黎我0個份:-
- 前菜係辣味螺肉及漬蘿蔔: 現成的, 唔算難食, 不過醬汁實在太 gooey, 質地近乎中菜的芡汁, 滑潺潺感覺都幾噁心.
- 麵豉湯: 沖粉式, 無味的, 飲了兩啖決定唔飲; 內有少量昆布及豆腐粒, 不過作用不大.
- 10 件壽司係「三文魚 2 件, 甜蝦, 立魚, 鮑魚, 魷魚, 北寄貝, 蟹籽, 吞拿魚及熟蝦 (各 1 件)」, 配牙膏 wasabi... 賣相好樣衰, 除0左無食的兩件三文魚之外, 魚生食落亦真係幾唔新鮮, 吞拿魚就最差, 從未見過如此暗啞色的赤身, 可幸肉質未到「霉」0既地步! 有殼類/貝類的就只得魷魚叫做好少少, 起碼爽身又有少少甜味, 而最唔掂就係熟蝦, 都唔明點解可以係苦味的; 而蟹籽軍艦, 塊紫菜就當然唔脆啦.
- 仲有 d 壽司飯, 係無醋味的, 而且工整得離奇, 唔通係機啤出來的?
朋友0個 10 件壽司係「碎吞拿魚腩, 海膽, 三文魚籽, 大甜蝦, 鮮帶子, 劍魚腩, 鮑魚, 油甘魚, 吞拿魚, 三文魚」, 估唔到仲恐怖:
- 最正常的係「大甜蝦」, 雖然唔算爽又唔算甜, 但起碼唔腥吧.
- 帶子: 無味, 腍腍的, 恐怖.
- 無試碎吞拿魚腩軍艦, 不過舊0野除0左碎吞拿魚及碎蔥外, 仲「塌」了疑似生鵪鶉蛋0既黃色液體, 稀稀的一篤0係面, 好噁心, 大家都真係唔敢試,
- 三文魚籽: 好差, 好「水」之餘, 味道係好鹹及好 x 苦的, 結果 lur 到一碟都係!
- 最差0個件就非海膽莫屬: 價錢所限, 唔係靚0野在所難免, 我食了一小隻 / 粒, 立即 lur 返出來, 因為實在好苦又好腥, 唔知隻海膽開0左幾耐呢? 朋友見我「也母」埋口面, 叫了 waitress 埋來收0左壇0野, 兼單聲「d 海膽苦0架喎!」, waitress 0既反應就好好笑:
1) 初則企0左0係度唔識講0野,
2) 繼而黑面,
3) 再而:「使唔使叫師傅整過件俾你?」
4) 我:「由佢啦, 收收佢得0架喇」
5) 佢: (目露凶光 )「咁使唔使換過第二 d 0野俾你呀?」
6) 我: 「... 唔使喇, 由佢啦, 唔該晒!」
食物咁恐怖, 可幸環境 ok, 卡位幾闊落好坐, 不過店員們會0係有客人0既時候爬上爬落整冷氣隔塵網 (點解唔可以0係開鋪前搞!?), 我又咁黑仔見到有大蒼蠅飛來飛去喎, 衛生如何, 你話呢?
連加一每人約 $110, 儼如倒錢落海, 好肉赤.
都算係近幾年去過最差0既食肆了.
张贴
