拉麵Jo (已結業)

真係如呢度大家所講，啲侍應服務態度差，啲嘢又唔好食選擇又少，鰻魚雞扒飯啲雞係冇味嘅……只係我哋平時食開嗰間咁啱今日早收先咁不幸揀中呢間嘢，一入到去有個男侍應安排我哋坐張好窄嘅枱，而且左右兩張枱都坐滿人，我哋想安靜啲坐低傾計，就揀咗坐近門口張枱，點知成餐飯就畀佢哋啲侍應監視住，唔知係驚我哋冇錢畀定食食吓走咗去，之後見我哋一食完有個女侍應就即刻九秒九拎張單過嚟叫我哋埋單，明明隔離張枱個客人都已經食飽好耐坐喺度佢哋又冇叫佢埋單，唯獨是叫我哋，我建議你哋如果咁驚不如撤走近門口張枱，又要擺又要監視啲客真係戥你哋辛苦！生意唔好真係有原因，完全唔識尊重啲客人，一定永久blacklist唔會再有下次！邊個想試伏兼受氣就去試啦！