影片
更多
2019-08-07
386 浏览
琴晚8月6號同女朋友黎食宵夜放題，一開始入到黎感覺唔錯，環境幾好。坐低嗌左野食之後就好快上，出菜速度係放題黎講都唔差。店面唔算好大，得一個經理同一個侍應。上放題牛肉嘅時候要讚下叫Howard嘅侍應哥哥，儘管有其他客人要落單，佢都好有耐性咁同我地講解曬啲牛肉嘅先後次序，全程面帶笑容。但係之後有一件事令我十分唔滿意，食到中途有一班坐房嘅人大聲咁問叫Charlie嘅經理：房入面可唔可以食煙？經理居然話比佢地食！有冇搞錯？2019年仲會有「高級食肆」俾客人食煙？樓上舖控煙辦就唔理？十分過份！我女朋友好唔受得煙味，陣雪茄味大到我去廁所都聞到！我即刻問侍應哥哥乜你地呢度俾食煙架？可唔可以叫嗰枱客唔好再食?佢勁唔好意思咁話係經理安排，要問經理至得。原來坐房嘅先係客人，我地其他坐出面嘅有俾錢嘅就唔係客人，唔洗理我地感受嘅！之後我地頂唔順即刻埋單走人！啲野好食有咩用？連食肆衛生都做唔好！以後唔會再黎！留個評論等其他受唔到煙味嘅客人唔好再中伏！😡😡😡😡😡😡😡😡😡😡😡
张贴