成都老碼頭火鍋 (已結業)

近排香港開咗好多成都口味火鍋舖，聽聞呢間口碑好好，而且係OpenRice有好多好評，今日終於同朋友一齊嚟朝聖一下！我哋叫咗鴛鴦鍋，分別係成都口味麻辣湯底同埋豬骨湯底，成都麻辣湯底果然正宗，已經見到有好濃厚嘅豬油香，而且入邊放咗好多麻辣香料，越煮越辣，果然夠刺激！湯底非常夠地道！成間舖都充滿麻辣味，因為每一台客都啲叫成都特色麻辣湯底！配料都好豐富，而且七點半前離職仲有八折添，非常抵食！鴨血係必叫嘅，鴨血軟硬適中，而且非常嫩口，同麻辣湯底非常夾！仲有鵝腸都好好食！大家一定要叫呀！鵝腸爽口新鮮，而且唔會腥，又係同麻辣湯底非常夾!我哋仲叫咗和牛頸肩肉，切得非常薄，所以入口即溶，而且牛肉味道濃厚，必叫！仲有筷子牛肉都好好食㗎 ！牛肉好入味，孜然味突出！另外仲有任食西瓜同埋菠蘿，西瓜非常甜，好啱中途攞嚟食一食，清一清麻辣味，然後再食過！另外值得一提嘅係，侍應非常細心，見到我哋都冇帶橡筋，於是好細心攞橡筋俾我哋紮頭髮，方便我哋食火鍋