成都老碼頭火鍋 (已結業)

我同城城都係一個火鍋控，每個月都一定要打邊爐先至安樂。今日嚟到大角咀嘅成都老碼頭，由旺角港鐵站行過嚟只需要大概5分鐘，店舖由外到內都非常古代風，而且喺對面街已經聞到好勁嘅麻辣味😂 🦴鮮淆豬骨湯 $88雖然佢哋主打食麻辣，但係我呢啲唔食得辣嘅人都有其他選擇嘅！濃濃嘅湯底，好香豬骨味，入面仲有好多料，忍唔住要喺正式打邊爐之前飲兩碗先😋🥩日本A4牛頸脊 $218 半份牛肉味好重，肉質亦都非常之嫩滑，如果份量可以多番少少就好啦。🥩澳洲雪花肥牛 $82 半份雖然佢係牛肉之中最平嗰一款，但係肉質一啲都唔輸蝕，一樣都係牛肉味好重。好食🦑老友鬼鬼(墨魚滑) $58 半份墨魚滑好爽彈，可惜油炸鬼有少少唔夠脆，店員教我哋只需要浸10至30秒就可以食，但係我自己覺得浸一浸已經可以食。🐚珊瑚蚌 $68 半份新鮮爽彈，半份嘅份量都幾大碟🧨即炸響鈴 $48佢哋嘅響鈴係非常之厚同大舊，炸得好香好脆。🥚蛋餃 $35半份細細隻，都幾juicy。🥬台灣水蓮菜 $48打邊爐好鍾意食水蓮菜，淥一淥就已經可以食，爽脆鮮甜當晚8時入座仲有八折 (飲品除外)，如果7:30前離座仲有六八折，另外每位要加醬料費$25。佢哋嘅醬料款式好